קאאליציע קריזיס אין מדינת ישראל: טראמפ זאגט אז אייזענקאט און נתניהו האבן זייער ענליכע מיינונגען
גאלערי
ווידעאס
בס"ד
טראמפ רעאגירט צום פאליטישן קריזיס אין מדינת ישראל: "אייזענקאט און נתניהו האבן זייער ענליכע פאליסיס"
פרעזידענט דאנאלד טראמפ האט זיך ארויסגעזאגט איבער דעם פאליטישן געפעכט אין מדינת ישראל, זאגנדיג אז גאדי אייזענקאט און פרעמיער מיניסטער בנימין נתניהו האבן ביידע זייער ענליכע פאליסיס און בליקן.
רעדנדיג צו רעפארטער בעפארן פארלאזן פלארידע זונטאג ביינאכט, האט טראמפ געזאגט אז אייזענקאט האט געזאגט זייער שיינע זאכן אויף אים, צולייגנדיג: "ער זאגט אז ער האט ליב טראמפ." דער פרעזידענט האט אויך אנגעוויזן אז ביידע פירער זענען שטארק מיט זיינע פאליסיס, וואס צייגט אז סיי ווער עס וועט געווינען וועט די פאליסי צווישן די צוויי לענדער פארבלייבן די זעלבע.
אין דער זעלבער צייט האט טראמפ צוגעגעבן אז ער האט נישט מיטגעהאלטן די פונקטליכע דעטאלן פונעם קריזיס, אנרופנדיג עס א פשוט'ער פארמעסט צווישן די צוויי, און האט אויסגעפירט אז מען וועט דארפן אפווארטן צו זען ווער עס וועט ארויסקומען דער זיגער.
די קאמענטארן פונעם פרעזידענט קומען נאך א דראמאטישע פאליטישע איבערקערעניש אין מדינת ישראל. נאכדעם וואס נתניהו'ס בלאק האט נישט באוויזן צו ציען א מאיאריטעט אין די אקטאבער 27 וואלן, האבן 67 כנסת דעפוטאטן רעקאמענדירט פאר אייזענקאט צו פארמירן די קומענדיגע רעגירונג, אין פארגלייך צו בלויז 46 וואס האבן געשטיצט נתניהו. אלס רעזולטאט, האט פרעזידענט יצחק הערצאג ארויפגעלייגט דעם מאנדאט אויף אייזענקאט, וועלכער פירט די 'ישר' פארטיי, צו פרובירן צוזאמשטעלן א קאאליציע.
אייזענקאט האט יעצט 28 טעג דאס צו באווייזן, מיט א מעגליכקייט פאר א פארלענגערונג פון נאך 14 טעג. אויב ער וועט דורכפאלן, קען דער מאנדאט אריבערגיין צו אן אנדערן קאנדידאט, וואס קען צוריק געבן פאר נתניהו א פרישע געלעגנהייט צו פארמירן א רעגירונג. דערווייל בלייבט די גרויסע פראגע צי אייזענקאט וועט טאקע קענען צוזאמשטעלן א מאיאריטעט, און ווי שטארק וואשינגטאן וועט פרובירן צו ארבעטן אונטער די קוליסן צו באוועגן די רעזולטאטן.
טראמפ רעאגירט צום פאליטישן קריזיס אין מדינת ישראל: "אייזענקאט און נתניהו האבן זייער ענליכע פאליסיס"
פרעזידענט דאנאלד טראמפ האט זיך ארויסגעזאגט איבער דעם פאליטישן געפעכט אין מדינת ישראל, זאגנדיג אז גאדי אייזענקאט און פרעמיער מיניסטער בנימין נתניהו האבן ביידע זייער ענליכע פאליסיס און בליקן.
רעדנדיג צו רעפארטער בעפארן פארלאזן פלארידע זונטאג ביינאכט, האט טראמפ געזאגט אז אייזענקאט האט געזאגט זייער שיינע זאכן אויף אים, צולייגנדיג: "ער זאגט אז ער האט ליב טראמפ." דער פרעזידענט האט אויך אנגעוויזן אז ביידע פירער זענען שטארק מיט זיינע פאליסיס, וואס צייגט אז סיי ווער עס וועט געווינען וועט די פאליסי צווישן די צוויי לענדער פארבלייבן די זעלבע.
אין דער זעלבער צייט האט טראמפ צוגעגעבן אז ער האט נישט מיטגעהאלטן די פונקטליכע דעטאלן פונעם קריזיס, אנרופנדיג עס א פשוט'ער פארמעסט צווישן די צוויי, און האט אויסגעפירט אז מען וועט דארפן אפווארטן צו זען ווער עס וועט ארויסקומען דער זיגער.
די קאמענטארן פונעם פרעזידענט קומען נאך א דראמאטישע פאליטישע איבערקערעניש אין מדינת ישראל. נאכדעם וואס נתניהו'ס בלאק האט נישט באוויזן צו ציען א מאיאריטעט אין די אקטאבער 27 וואלן, האבן 67 כנסת דעפוטאטן רעקאמענדירט פאר אייזענקאט צו פארמירן די קומענדיגע רעגירונג, אין פארגלייך צו בלויז 46 וואס האבן געשטיצט נתניהו. אלס רעזולטאט, האט פרעזידענט יצחק הערצאג ארויפגעלייגט דעם מאנדאט אויף אייזענקאט, וועלכער פירט די 'ישר' פארטיי, צו פרובירן צוזאמשטעלן א קאאליציע.
אייזענקאט האט יעצט 28 טעג דאס צו באווייזן, מיט א מעגליכקייט פאר א פארלענגערונג פון נאך 14 טעג. אויב ער וועט דורכפאלן, קען דער מאנדאט אריבערגיין צו אן אנדערן קאנדידאט, וואס קען צוריק געבן פאר נתניהו א פרישע געלעגנהייט צו פארמירן א רעגירונג. דערווייל בלייבט די גרויסע פראגע צי אייזענקאט וועט טאקע קענען צוזאמשטעלן א מאיאריטעט, און ווי שטארק וואשינגטאן וועט פרובירן צו ארבעטן אונטער די קוליסן צו באוועגן די רעזולטאטן.