אפדעיט 1:20

אין די יעצטיגע מינוטן קומט פאר די מעמד סתימת הגולל אויפן פרישן קבר פון הרבנית הצדיקת ע"ה 

אפדעיט 1:05

די מיטה פון הרבנית הצדיקת מוויזשניץ ע"ה איז נארוואס אנגעקומען צום בית החיים אין מאנסי.

אפדעיט 12:30

טויזנטער אידן געפינען זיך יעצט פארנט פונעם ביהמ"ד הגדול וויזשניץ אפצוגעבן דעם לעצטן כבוד פאר הרבנית הצדיקת ע"ע"ה

אפדעיט 12:20

די מיטה איז נארוואס אנגעקומען צום בית המדרש וויזשניץ אין מאנסי

אפדעיט 11:45

אין די מינוטן הייבט זיך אהן די מאסן לוויה פון הרבנית הצדיקת מוויזשניץ מאנסי ע"ה ביי דער בנין ה”ת ווילחאוויץ וואו אלע נשים זענען פארזאמלט, אום 12:00 אזייגער וועט די מיטה אנקומען פארנט פון ביהמ"ד הגדול וויזשניץ, ווי דער מנהג אין וויזשניץ וועלן נישט פארקומען קיין הספדים, דערנאך וועלן טויזנטער באגלייטן די מיטה ביז צו דער וויזשניצער בית החיים.

די רעביצין ע"ה וועט קומען לקבורה אין די אוהל פון הרבנית הצדיקת מוויזשניץ ע"ה אשת חבר פון הרה"ק מוויזשניץ זצ"ל.

אפדעט 11:40

כ"ק אדמו"ר מסאטמאר שליט"א פארלאזט יעצט ביתו נאוה קודש אין קרית יואל אויפן וועג קיין מאנסי זיך צו משתתף זיין ביים מסע הלוי' פון די וויזניצ'ע רעבעצין ע"ה - אשת חבר כ"ק אדמו"ר מוויזשניץ מאנסי שליט"א וואס קומט פאר פארנט פון ביהמ"ד הגדול וויזניץ אין מאנסי.

אפדעיט 11:30

די מיטה פון הרבנית הצדיקת ע"ה איז נארוואס אנגעקומען בבית נאווה קודש פון כ"ק אדמו"ר מוויזשניץ שליט"א ווי עס געפינען זיך די בני המשפחה ווי אויך אירע ברודערס הגה"צ גאב"ד סאטמאר בארא פארק שליט"א הגה"צ אבד"ק אוהעל מאנסי שליט"א און הגה"צ אבד"ק אוהעל וויליאמסבורג שליט"א

אפדעיט 10:45

וויכטיגע טרעפיק אנווייזונגען זענען ארויסגעלייגט געווארן דורך די עסקנים צו פארמיידן שווערע טרעפיק אין די געגנט:

10:05

 פון די שטובער פון כ"ק האדמורי"ם לבית וויזשניץ שליט"א זענען ארויסגעקומען א מעלדונג אז אלע ישיבות הקדושות דחסידי וויזשניץ פון איבער גרעיטער ניו יארק וועלן ארויספארן קיין מאנסי זיך צו באטייליגן ביי די לוויה פון הרבנית הצדיקת אפצוגעבן דעם לעצטן כבוד  דאס רעכנט אריין די ישיבה  בנין אבות וויזשניץ אין קייאמישע לעיק, די ישיבה  תורת מרדכי וויזשניץ אין בלומינגראוו, און די ישיבה  תפארת מרדכי וויזשניץ אין סטעטן איילענד.

9:35

די לעצטע הכנות ווערן יעצט געמאכט ביים אוהל הק' אויפצגראבן די פרישן קבר פון הרבנית הצדיקת ע"ה