אט איז א קורצע איבערבליק פונעם סדר היום ארום דעם באזוך:

דער סדר היום

די אדמו"רים וועלן אפרייזן קיין וואשינגטאן פון זייערע הייזער, באגלייט בלויז דורך זייערע נאנטע משב"קים און עסקנים.

דער היסטארישער באזוך וועט זיך אנהייבן אום 12:00 מיטאג אינעם 'עקזעקיוטיוו אפיס בילדינג', א פליגל פונעם ווייסן הויז.

אום 1:00 אזייגער מיטאג גייט מען צום מיטינג אינעם רוזוועלט צימער פונעם וועסט ווינג זיך צו טרעפן מיט די אדמיניסטראציע באאמטע.

ווי עס וועט זיין ערלויבט בלויז איין באגלייטער פער אדמו"ר..

אום 2:00 מיטאג וועט די דעלעגאציע זיך טרעפן פאר א פאראייניגטע זיצונג מיט פרעזידענט טראמפ אן קיין שום באגלייטער.

עס ווערט געמאכט גרויסע שתדלנות מטעם בית כ''ק אדמו''ר מסאטמאר מהר''א שליט''א אז בעפאר דעם גרויסן מיטינג זאל דער רבי באקומען אן אויסשליסליכע  פריוואטע 7 מינוטיגע באגעגעניש מיטן פרעזידענט, צו קענען אויפטון למען הכלל והפרט

צום שלוס וועלן געכאפט ווערן די אפיציעלע היסטארישע בילדער ביים פרעזידענטליכן טיש.

וואס עס ווערט פלאנירט ארויפצוברענגען אויפן טיש

פאדערן פולע רעליגיעזע זעלבסטשטענדיגקייט פאר די מוסדות התורה און א קלארע קעגנערשאפט צו דעם וואס די רעגירונג וויל זיך אריינמישן אין די לימודי חול.

א ספעציעלע השתדלות (בפרט מצד כ"ק האדמורים מסאטמאר) ארויפצוברענגען דעם נושא איבער דעם שווערן קריזיס און רדיפות וואס די ארץ ישראל'דיגע בני ישיבות מאכן מיט.

שפעקולאציעס אונטער די קוליסן

עס איז נאך דערווייל דא א אומקלארקייט אויב דער סקווירא רבי וועט זיך משתתף זיין פערזענליך (טראץ שווערע דרוק פון אנדערע אדמו"רים און עסקנים), אדער אויב ער וועט שיקן זיין זון הרה"צ ר' אהרן מענדיל אנשטאט.

עס ווערט שפעקולירט אז דער רעפובליקאנער קאנגרעסמאן מייק לאולער האט געהאט א חלק מיטן צושטאנד ברענגען דעם מיטינג אלס א מיטל צו ציען חרדי'שע שטימען פאר זיין גאר נאנטע און שמאלע קאנגרעס פארמעסט.

טייל קוועלער אינעם ווייסן הויז האבן פריער מרמז געווען אז דער גאנצער מיטינג וועט זיין בלויז אלס א צערעמאנישע באגעגעניש