איראן פארברייטערט אטאקעס אין די גאלף לענדער: קאוועיט און באכרעין אקטיוויזירן זייערע לופט פארטיידיגונג סיסטעמען אין ליכט פון פרישע דראונגען אויף אמעריקאנע באזעס
גאלערי
ווידעאס
איראן עסקאלירט דעם קאנפליקט מיט אמעריקע: לאזט פליען א פרישע כוואליע פון אטאקעס אויף גאלף לענדער וואס האסטירן אמעריקאנער קרעפטן
איראן האט דעם 18'טן נאוועמבער דראסטיש עסקאלירט איר מיליטערישע קאנפליקט מיט די פאראייניגטע שטאטן, ווען זי האט ארויסגעשאסן א פרישע כוואליע פון אטאקעס געצילט אויף גאלף לענדער וואס גיבן אכסניא פאר אמעריקאנער מיליטערישע קרעפטן. קואוועיט און באכריין האבן ביידע אקטיוויזירט זייערע עיר-דעפענס סיסטעמען און ארויסגעשיקט עמערדזשענסי אלערטס, נאכדעם וואס פיינטליכע דראונס און לופט-סטראשונגען האבן געפירט צו א העכסט-פארזיכטיגע זיכערהייט רעאקציע איבער די ראיאן.
די איראנער מיליטער האט געמאלדן אז זיי האבן געצילט אמעריקאנער דראון און מיסיל אינסטאלאציעס ביי די 'עלי אל סאלעם' עיר בעיס אין קואוועיט. פון איר זייט האט די קואוועיטער מיליטער באשטעטיגט אז זייערע עיר-דעפענס סיסטעמען האבן רעאגירט צו פיינטליכע דראון אטאקעס, אבער קואוועיטער באאמטע האבן נישט באשטעטיגט צי די אמעריקאנער באזע אדער אירע פאסיליטיס זענען טאקע געטראפן געווארן.
אין באכריין - וואס דינט אלס די הויפטקווארטיר פאר די אמעריקאנער נעיווי'ס פינפטע פלאטע - האבן די אויטאריטעטן באריכטעט אז זיי האבן אינטערסעפטירט עטליכע איראנער לופט אטאקעס. די ארטיגע רעגירונג האט ארויסגעגעבן צוויי עמערדזשענסי ווארענונגען, הייסנדיג די איינוואוינער צו זוכן שוץ אין די שעלטערס, בעפאר זיי האבן שפעטער געמאלדן אז די דירעקטע געפאר איז פאריבער. באכריין'ס מיליטער האט נישט ארויסגעגעבן קיין פונקטליכע דעטאלן איבער מעגליכע שאדנס אדער פארוואונדעטע.
די פרישע אטאקעס קומען בלויז איין טאג נאכדעם וואס אמעריקע האט דורכגעפירט א סטרייק אויף א מיסיל ארויסשיס-פלאטפארמע פון די איראנער רעוואלוציאנערע גווארדיע אויפן קעשם אינזל אינעם סטראטעגישן הארמוז דורכגאס. די לעצטערע אויסטוישן פון פייער צייכנט אפ נאך א געפארפולע עסקאלאציע אינעם קאנפליקט, וואס שלעפט אריין מער און מער גאלף לענדער וואס האסטירן אמעריקאנער מיליטערישע באזעס.
די אנטוויקלונגען ברענגען ארויס די וואקסנדע ריזיקעס וואס פלאגן די אמעריקאנער מיליטער און אירע אליאירטע איבערן פערסישן גאלף, בעת וואשינגטאן און טעהראן האלטן אין איין אויסטוישן סטרייקס. דער קאנפליקט קומט נאך מאנאטן פון אנגעצויגנקייט וואס האט זיך אנגעהויבן דעם 28'סטן פעברואר 2026, ווען אמעריקאנער און מדינת ישראל קרעפטן האבן אטאקירט איראן, וואס האט געפירט צו נקמה-אטאקעס איבערן גאנצן ראיאן.
דער הארמוז דורכגאס בלייבט א הויפט פלאקער-פונקט, וואו מיליטערישע אפעראציעס, סטראשונגען קעגן קאמערציאלע שיפן, און די אמעריקאנער נעיווי בלאקאדע לייגן צו פרישע דרוק צו אן אנגעצויגענע און וואלאטילע סיטואציע. מיט די אמעריקאנער קרעפטן און ראיאנישע שותפים וואס שטייען אויס קעסיידערדיגע סטראשונגען, ברענגען די לעצטע אטאקעס ארויף פרישע פראגעס צי דיפלאמאטישע פרואוון וועלן קענען פארמיידן דעם קאנפליקט פון זיך אויסשפרייטן נאך ווייטער.