דערהויבענעם נסיעה "מסע דרבנן" קיין ארה"ק דורך רבני בית אולפנא לרבנן "כולל דברי אש" וועלכע האבן במשך א וואך באזוכט און באקומען שימוש ביי די גדולי ואדירי התורה חכימי דארץ ישראל שליט"א

צהלי ורוני יושבת ציון כי גדול בקרבך גאוני ישראל

פאלגענד איז א קורצע באריכט פון די געהויבענע טעג

מוצש"ק פ'  תרומה / שקלים האבן זיך די רבני הכולל און די פמליא ארויסגעלאזט פון בארא פארק צום JFK עירפארט פון ווי מען איז אפגעפלויגן בשעטו"מ קיין ארה"ק

יום א' פ' תצוה 

פארנאכטס האט די פליגער געלאנדעט אין ארה"ק ווי די רבני הכולל האבן זיך גלייך ארויסגעלאזט קיין ירושלים עיה"ק למעון קדשו פון כ"ק אדמ"ר מ'בעלזא שליט"א ווי דער רבי שליט"א טראץ חולשות גופו האט ספעציעל אויפגענומען די חשובע רבני הכולל. דער בעלזא רב שליט"א האט ערשט שלום געגעבן פאר די 2 פטרוני הכולל און דערנאך פאר הרה"צ רבי ישראל האגער שליט"א מ'וויזניץ ב"פ ברוח התיכון פון די כולל און דערנאך פאר די 2 ראשי הכוללים און פאר אלע רבני הכולל שליט"א, דער רב שליט"א האט געהערט א באריכט פון די מנהל הכולל ר' נחום שווארץ הי"ו און פארגעשטעלט פארן רבין די רבני הכולל חסידי בעלזא דערנאך האט דער רב געליינט די קוויטל כוללות און געווינטשן הצלחה וכל טוב פאר אלע ארומיגע.

דערנאך זענען די רבני הכולל אריבער למעון קדשו פון המקובל הגה"צ רבי יצחק מאיר מארגענשטערן שליט"א, ראש ישיבת המקובלים תורת חכם ווי דער רב שליט"א האט אויפגענומען דעם דעלעגאציע ביותרת הכבוד און ארומגערעדט הויכע ענינים פון לימוד התורה בארץ ישראל. דערנאך האט דער רב שליט"א געטיילט כיבוד פאר יעדן איינעם און אזוי אויך געליינט די קוויטל כוללות און געווינטשן ברכות לרוב.

יום ב' תצוה

אינדערפרי זענען די רבני הכולל אריין אל הקודש פנימה פון הרה"ק רבי יעקב מאיר שעכטער שליט"א ווי דער רב האט זיי אויפגענומען מיט גרויס כבוד. מען האט געזונגען ווארימע ניגונים און דערנאך האט דער ראש הכולל רבי יואל טייטלבוים שליט"א אנגעפרעגט געוויסע שאלות אין עניני לימוד התורה ועוד אויף וואס דער רב שליט"א האט אלעס געענטפערט מיט א קלארקייט כדת מה לעשות און אזוי אויך משמיע געווען דברי ברכה און דברי חיזוק פאר די פטרוני הכולל. דערנאך האט דער רבי שליט"א געליינט די קוויטל כוללות פון די פטרוני הכולל און רבני הכולל און דער רב האט משפיע געווען ברכות והשפעות פאר יעדן. דערנאך האבן אלע רבני הכולל אדורך כבני מרון ווי דער רב האט יעדן עקסטער געבענטשט און געטיילט ספרים מדברות קדשו פונעם רב שליט"א אויף יום הפורים.

פון דארט זענען די רבני הכולל אריבער געגאנגען צום גרויסארטיגן מעמד קבלת פנים אין די הויפטקווארטיר פון ארגון RCCS ווי די פטרוני הכולל זענען פון די גאר שטארקע שטיצער פאר חולי ישראל ר"ל ווי עס האט זיך באטייליגט א ציבור פון אידן מיקירי ירושלים בראשות הרה"צ המשפיע רבי אלימלך בידערמאן שליט"א ביי דעם מעמד זענען געהערט געווארן שיינע דרשות דורך דער יושב ראש דערנאך דורכן מנהל הכולל ר' נחום שווארץ הי"ו און דערנאך דורך הרה"צ רבי ישראל האגער שליט"א מויזניץ ב"פ וואס איז דער ברוח התיכון פון די כולל און דערנאך האט אויפגעטרעטן הרה"צ המשפיע רבי אלימלך בידערמאן שליט"א, דערנאך אויפן פארלאנג פון רבי אלימלך האט מען געזאגט אויפן פלאץ 2 קאפיטלעך תהלים איינס על הברואים שלא יחלו און 2טע על החולים שיתרפאו, דערנאך האט הרה"צ המשפיע שליט"א פארטיילט די הגדה של פסח באר מים מדברות קדשו פאר אלע באטייליגטע.

פון דארט איז די פמליא אריבער לבית מדרשו פון הגאון הגדול רבי שאול אלתר שליט"א ראש הישיבה מ'גור ווי עס האט זיי אפגעווארט א הערליכע מעמד קבלת פנים וואס איז געווען צוגעשטעלט דורך קהלות וכולל פני מנחם גור לכבוד די רבני הכולל און די צוויי פטרוני הכולל דברי אש. עס האבן אויפגעטרעטן די ראש הכולל פון גור הגאון רבי ישראל לווין שליט"א דערנאך די מנהל הכולל דברי אש ר' נחום שווארץ הי"ו און דער ראש הכולל דברי אש הגה"צ רבי יואל טייטלבוים שליט"א, דערנאך האט מען געהעאט דברות קודש פונעם גרויסן ראש ישיבה שליט"א. נאכדעם האט די ראש ישיבה געליינט דעם קוויטל כוללות און געווינטשן אלע גוטע השפעות און די גאנצע פמליא רבני הכולל זענען פרעזענליך אריבער לברך ולהתברך ביים גרויסן ראש ישיבה שליט"א.

פון דארט איז מען געפארן מתפלל זיין אויף די ציונים הק' קבר שמואל הנביא, שמעון הצדיק און קבר רחל.

יום ג' תצוה 

אין די גאר פריע פארטאגס שטונדן האט מען זיך ארויסגעלאזט פון ירושלים עיה"ק צום שטאט נהרייה ווי מען האט געדאווענט שחרית, דערנאך האט מען זוכה געווען אריינצוגיין בקדש פנימה ביי המקובל הצדיק רבי דוד אבוחצירא שליט"א וואס על פיו יבוא ועל פיו יצא זינט די הסייתדות הכולל ווי די 2 פטרוני הכולל זענען ממש פון די נאנטע מקורבים ביים רבי'ן שליט"א. דע רבי שליט"א האט געהייסן יעדן זיצן אבער דער רבי האט זיך נישט געוואלט זעצן  ווי דער רביט שליט"א האט אויפגעטרעטן פאר די חשובע ציבור רבני הכולל והפמליא אויפן הייליגן שפראך לשון הקודש גאר פיירעדיגע דיבורים בעניני לימוד התורה. דערנאך האט דער רבי געליינט דעם קוויטל כוללות און די גאנצע ציבור האט זוכה געווען צו באקומען א פרעזנליכע ברכה פון רבין שליט"א.

דערנאך איז מען געפארן צו אתרא קדישא מירון צום ציון התנא אלוקי רבי שמעון בר יוחאי ווי אינעם מערה איז געוען א בחינה פון יום כיפור מיט א געוואלדיגע התעוררות און אויבן אויפן דאך אויפן מערה איז פארגעקומען די הדלקה לכבוד התנא אלוקי רבי שמעון בר יוחאי בראשות המשפיע הרה"צ רבי חיים יצחק קאפף שליט"א ר"מ בישיבת אורייתא ווי דער משפיע שליט"א האט מעורר געווען דעם ציבור מיט זיין גאר רייכע שפראך אז א שטיין האט געקענט צוגיין פון די געוויין, דערנאך האבן די פטוני הכולל אינאיינעם מיט די ראשי הכוללים געגאסן שמן אויף די מדורה און אינאיינעם געצינדן די הדלקה ווען אין די זעלבע צייט האבן די נשמה קאפעליע אין שפיץ פון ר' בנציון שטיין הי"ו געזינגען די גאר לעבעדיגע זמירות שירי ל"ג בעומר ווי דער ציבור האט זיך ארויסגעלאזט אין א טאנץ לכבודו פון רבי שמעון בר יוחאי פאר א לענגערע צייט.

דערנאך איז מען צוגעגאנגן צו א זאל בשכינות ווי עס איז פארגעקומען א סעודת הרשב"י ווי עס האט אפגעווארט א שיינע סעודה כיד המלך ווי עס האט אויפגעטרעטן דער מנהל הכולל ר' נחום שווארץ הי"ו און דעם פטרון הכולל רבי שמואל ארי'ה ווייס שליט"א.

פון דארט איז מען צוריק אריבער צום מערת הרשב"י ווי דער ציבור האט געדאווענט תפילת מנחה מיט א גרויס התעוררות 

דערנאך האט מען זיך ארויסגעלאזט קיין צפת ווי מען האט מתפלל געווען ביי אלע ציוני הקודש אויפן בארג און אזוי אויך אריינגעכאפט א טבילה במקוה האר"י, דערנאך איז מען געפארן קיין טבריה צום ציון פון הייליגן תלמוד פונעם מעזריטשער מגיד רבי וועלוול טשערנאווצער זי"ע וואס איז געווען יענעם טאג זיין יארצייט און דערנאך צום ציון פון רבי מאיר בעל הנס ווי מ'האט געדאווענט תפילת מעריב, און מיט דעם געפוילט אלעס גוטס

יום ד' תצוה 

האט מען געהאט די זכיה צו באזוכן ביי גדולי הדור פון ירושלים עיה"ק ווי מען האט זיך געשטעלט צום פארהער ביי

הגה"צ רבי חיים יוסף בלוי שליט"א מו"ץ בבית דין העדה החרדית ירושלים

הגה"צ רבי יעקב מענדל יוראוויטש שליט"א חבר ביה דינא רבה פון די עדה החרדית

הגה"צ רבי אהרן בראנדסדארפער שליט"א חבר ביה דינא רבה פון די עדה החרדית ומרבני ק"ק תולדות אהרן

און ספעציעל האט מען געהאט די זעלטענע געלעגנהייט זיך צו שטעלן אויף א פארהער ביי די חברי ביד"ץ פון די עדה החרדית בראשות הגה"צ רבי אברהם יצחק אולמאן שליט"א, הגה"צ רבי יעקב מענדל יוראוויטש שליט"א, און הגה"צ יהודה פישער שליט"א ווי די חברי הבית דין זענען ממש נתפעל געווארן פון די ברייטע ידיעות דורך די רבני הכולל און דערביי האט די בית דין אפגעשריבן א גאר ווארימע מכתב תעודה ווי די גאוני ארץ הקודש הייבן ארויס די אויסטערלישע ידיעות און בקיאות פון די רבני בית אולפנא לרבנן, באגלייט מיט ווארימע ברכות פאר די חשובע פטרוני הכולל.

שפעטער ביינאכט איז מען אריבער צום שטוב פון מרן פוסק הדור כ"ק מרן רבי משה שטערנבוך שליט"א גאב"ד ירושלים עיה"ק מרא דארעא קדישא, ווי מען האט געדאווענט תפילת מעריב אינאיינעם מיט'ן רב שליט"א, דערנאך האט דער רב אויפגעטרעטן מיט דברות קודש און דערנאך האט דער רב שליט"א געליינט דעם קוויטל כוללות און אנגעווינטשן ברכות עד בלי די, נאכדעם האט דער רב שליט"א פארטיילט ספרים פאר אלע רבני הכולל.

יום ה' תצוה 

אינדעפרי איז מען אריבער צום אפיס פון די מוסד אנו בניך בראשות הרב אהרן פריעד שליט"א משב"ק אדמו"ר מ'בעלזא שליט"א ווי מען האט געהערט א טיפזיניגע שיעור בעניני מקואות דורך דער בעלזער דיין הגה"צ רבי אהרן זיכערמאן שליט"א ווי דער דיין האט זיך געפילט היימיש איבערצושמועסן אלע הלכות מקוואת מיט די רבני הכולל זייענדיג בקי אין דע אלע הלכות וויבאלד דאס זענען די זאכן וואס די רבני הכולל האבן שוין דורכגעלערנט לעומקה של הלכה, דערנאך האט דער דיין שליט"א איינגעלאדענט די רבני הכולל אויף א באזוך צום מקוה טהרה שע"י קהל מחזיקי הדת בעלזא ווי די רבני הכולל זענען שטארק נתפעל געווארן פון די הידורים נפלאים וואס דער דיין האט אויפגעטוהן למען טהרתן של ישראל.

אין די נאכמיטאג שטונדן האט מען זיך ארויסגעלאזט קיין בני ברק ווי די רבני הכולל האבן זיך געשטעלט צום פאהער ביי הגאון הגדול רבי משה שאול קליין שליט"א ראש בית דין שבט הלוי פאר איבער א שעה צייט.

דערנאך צום שטוב פון הגאון הגדול רבי דוב לאנדא שליט"א ראש ישיבת סלובודקה ווי דע רב האט אויפגעטרעטן מיט דברי ברכה און עקסטער ארויסגעברענגט רגשי לבבו אז עס איז פארהאן אזא חשובע כולל ווי דער ראש ישיבה האט ספעציעל געשיקט זיינע ווארימע ברכות צו די פטרוני הכולל.

פון דארט איז מען אריבער צום שטוב פון הגה"צ רבי חיים הערש מייזליש שליט"א ראש ישיבת סאטמאר בני ברק וואס דער ראש ישיבה זייענדיג שטארק בידודות מיט די פטרוני הכולל האט דער ראש ישיבה איינגעלאדענט די כולל צו זיך אין שטוב פאר א ספעציעלע סעודת ז' אדר בביתו נאוה, ווי די רבני הכולל האבן געהאט די געלעגנהייט צו זיצן בצוותא חדא און נהנה געווען מאור זיוו ותורותו אויף א פרעזענליכע פארנעם. 

און פון דארט האט מען זיך געזעגנט ווי מען האט זיך ארויסגעלאזט צום עירפארט נאך א רייכע וואך אין ארה"ק 

ויום טוב היה עושה בצאתו בשלום מן ארץ הקודש