השבת נועם הנשמות:

א געהויבענער שבת איז אריבער אין מחנה אהל ברוך קראסנא בצל פונעם חשובן גאסט הגה”צ אב”ד ור”מ שליט”א, וועלכער איז געקומען פראווענען - ווי יאר יערליך - א שבת מיט די תלמידים

ווארימע באטע ליל שב”ק האט זיך געצויגן ביז די שפעטע שעות, באגלייט מיט ווארימע דברי תורה פונעם רב שליט”א

שטארקע דברי חיזוק, מוסר, והתעוררות זענען געהערט געווארן ביים פרקי אבות שיעור, וואו דער רב שליט”א האט ארומגערעדט איבער די ימי הרחמים והסליחות וואס קומט, און אויסגעדריקט רגשי לבבו איבער די ווארימע תפילות און ווי שטארק די תלמידים זענען נזהר בכבוד בית המדרש

דער געהויבענער שבת האט איבערגעלאזט הויפענעס חיזוק פאר די טייערע תלמידים

אזוי אויך איז פארגעקומען א מסיבת לחיים און סיום צום יארצייט פון הרה”ק בעל יטב לב זי”ע אין כתה ז’ כתה פונעם חשובן מלמד הרב אברהם יצחק זעגלבוים שליט”א מען האט געהערט ווארימע ווערטער פון הגה”צ אב”ד סענדרא שליט”א וועלכע האט ארום גערעדט בגודל קדושת בעל ההילולא זי”ע

צווישן אנדערע האט הגה”צ אב”ד לאסק שליט”א  פארהערט תלמידי כתה ו’ כתה פונעם חשובן מלמד הרב מרדכי צבי קירשנער שליט”א און דריקט אויס זיין געוואלדיגע התפעלות ווי גוט די תלמידים קענען די לימודים

צום אנהייב פונעם גרויסן חזרה אויף די סוגיא פון רבי חנניא סגן הכהנים אין כתה ח’ כתה פונעם חשובן מלמד הרב מאיר ראזענבערג שליט”א האבן זיין זוכה געווען צו הערן ווארימע דברי ברכה ודברי חיזוק פון הגה”צ רבי מאיר צוויבל שליט”א בעל נר המאיר