*אומקלארקייט איבער מירון: אפיציעלע פלאן אפגערופן און פאליצייאישע בלאקאדעס אויפגעשטעלט - 20,000 געפונען זיך שוין אויפן בארג*

מירון - שטייענדיג בלויז 48 שעה בעפאר די גרויסארטיגע הילולת הרשב"י ל"ג בעומר אין אתרא קדישא מירון, הערשט נאך דערווייל א אומקלארקייט וויפיל מענטשן וועלן זיין ערלויבט צו ערהאלטן אפציעלע ערלויבענישן צו ארויפגיין, און איבער די צאל הדלקות וואס גייט פארקומען, דאס קומט צוליב פארדאכטן אז כיזבאללא וועט ח"ו זוכן צו צילן די פארזאמלטע ביים הילולא און נאך וואס עס זענען אנגעבליך געפאלן ראקעטן און דראונס אין די געגנט.

דאנערשטאג האבן אויטעריטען ארויסגעשטעלט די פלענער וואס האט געלויטעט אז הר מירון וועט ווערן צוטיילט אין צען באזונדערע ערטער וואס קען אקאמדירן צווישן 500 און 1,500 מענטשן, און יעדע שעה וועט ווערן ארויפגעלאזט 1,500 מענטשן צום ציון. אין מירון זעלבסט וועט קענען זיין אנוועזנד 10,200 מענטשן אויף איינמאל. לויט די פלאן האט די פאליציי ערהאלטן ערלויבעניש צו צולייגן 25 פראצענט וואס וואלט געזעצליך ארויפגעברענגט די צאל מענטשן ערלויבט צו וויילן אין מירון דורכאויס די מעת לעת פונעם הילולא צו נאנט צי 50 טויזנט.

דאנערשטאג נאכט האבן זיי אפגערופן די פלענער צוליב אנגעבליכע זיכערהייט אינצידענטן און געמאלדן אז בלויז 600 מענטשן וועלן קענען זיך געפונען אין אפענע ערטער און 200 אין פארמאכטע געביידעס.

היינט מוצאי שבת האט די פאליציי אוועקגעשטעלט בלאקאדעס ארום מירון צו אפהאלטן קארס פון אריינפארן אבער פיס גייער קענען נאך אלס אריינקומען. לויט באריכטן אין די מדינת ישראל פרעסע געפונען זיך שוין א געשאצטע 20 טויזנט אידן אויפן בארג און עס איז ערווארטעט א כאאטישע צושטאנד אויב די פאליציי פראבירט צו אויסליידיגן דעם בארג.

*זעמל*, אידישע נייעס וואס איר זעהט נישט אין ערגעץ

*צו באקומען אויף סטאטוס קליקט דא:* https://wa.me/message/GI5J7Z6IZJB2E1

*צו באקומען אויף די גרופעס קליקט דא:*
https://chat.whatsapp.com/IGS39n9hm6s7iRRGZSB0o0?mode=r_c