Loading
זעמל - ירושלים - הגאון רבי דוב לאנדא שליט"א ראש ישיבת סלאבאדקע ביים זינגן די ניגונים פון הגאון רבי ברוך בער ליבאוויץ זצ"ל..   |  זעמל - מאנטריאל - די פאליציי האט געמאלדן די ארעסט פון א 32 יעריגער וועלכער האט מיט צוויי וואכן צוריק אויסגעשאסן די פענסטער פון א רעפארמער טעמפל אין שטאט. ..   |  זעמל - קווינס - סידי נאביל באראקא..   |  זעמל - איטאליע - זעכציג יאר נאך די שווערע פארפלייצונגען אין פלארענץ האט זיך געעפנט א נייע אויסשטעלונג אינעם צענטראלן שול..   |  🌴 בצל הקודש סאטמאר 🌴 - דב''ק ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכד רבינו החתן פרע"ח הרב ישכר בער טייטלבוים..   |  🌴 בצל הקודש סאטמאר 🌴 - =מאנטאג ויצא=   |  🌴 בצל הקודש סאטמאר 🌴 - תהילים שיעור פון היינט מאנטאג ויצא אין ישיבה סניף קדושת יואל אויף קאפיטל ל"ד פסוק ה'.   |  🌴 בצל הקודש סאטמאר 🌴 - רבינו שליט"א ביים שמחת השבע ברכות פון נכדת כ"ק אדמו''ר מטאהש שליט''א פארגעקומען היינט פארנאכטס אין די זאל פון המספיק אין קרית יואל..   |   זעמל - ירושלים - הגאון רבי דוב לאנדא שליט"א ראש ישיבת סלאבאדקע ביים זינגן די ניגונים פון הגאון רבי ברוך בער ליבאוויץ זצ"ל..   |  זעמל - מאנטריאל - די פאליציי האט געמאלדן די ארעסט פון א 32 יעריגער וועלכער האט מיט צוויי וואכן צוריק אויסגעשאסן די פענסטער פון א רעפארמער טעמפל אין שטאט. ..   |  זעמל - קווינס - סידי נאביל באראקא..   |  זעמל - איטאליע - זעכציג יאר נאך די שווערע פארפלייצונגען אין פלארענץ האט זיך געעפנט א נייע אויסשטעלונג אינעם צענטראלן שול..   |  🌴 בצל הקודש סאטמאר 🌴 - דב''ק ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכד רבינו החתן פרע"ח הרב ישכר בער טייטלבוים..   |  🌴 בצל הקודש סאטמאר 🌴 - =מאנטאג ויצא=   |  🌴 בצל הקודש סאטמאר 🌴 - תהילים שיעור פון היינט מאנטאג ויצא אין ישיבה סניף קדושת יואל אויף קאפיטל ל"ד פסוק ה'.   |  🌴 בצל הקודש סאטמאר 🌴 - רבינו שליט"א ביים שמחת השבע ברכות פון נכדת כ"ק אדמו''ר מטאהש שליט''א פארגעקומען היינט פארנאכטס אין די זאל פון המספיק אין קרית יואל..   |  

היסטארישע כאפ: פראנצויזישע נעיווי כאפט א סובמארין מיט 146 קילא קאקעין אינעם אטלאנטיק

ז כסלו תשפ"ז

0 366
Main image for היסטארישע כאפ: פראנצויזישע נעיווי כאפט א סובמארין מיט 146 קילא קאקעין אינעם אטלאנטיק

ווידעאס


היסטארישע אפעראציע: פראנצויזישע נעיווי כאפט א האלב-סובמארין אנגעפילט מיט קאקעין אינעם אטלאנטישן אקעאן


די פראנצויזישע נעיווי האט דורכגעפירט א היסטארישע אנטי-דראג אפעראציע אינעם אטלאנטישן אקעאן, ווען זיי האבן אפגעשטעלט א האלב-סובמארין שיפל וואס איז געווען אנגעפילט מיט קאקעין. לויט אפישעלס איז דאס דאס ערשטע מאל וואס די פראנצויזישע מיליטער מאכט אזא סארט כאפ.


די אפעראציע איז פארגעקומען דעם 12'טן נאוועמבער 2026, עטליכע הונדערט קילאמעטער קיין מזרח פון מארטיניק אינעם קאראבישן ים, נאכדעם וואס א פראנצויזישע קריגס-שיף האט אויפגעכאפט און זיך ארויסגעלאזט נאכצויאגן דאס פארדעכטיגטע שיפל.


מיט די הילף פון אן אנגעשלאסענעם העליקאפטער און אן אמעריקאנער פאטראל עראפלאן, האבן די פראנצויזישע קרעפטן באוויזן זיך צו דערנענטערן צום שיפל. ווי נאר די זעלנער האבן זיך דערנענטערט, האבן דריי פון די פיר שמוגלער וואס זענען געווען דערויף אריינגעשפרינגען אין וואסער, בעת דער פערטער האט אקטיוויזירט א ספעציעלע מעכאניזם וואס זאל מאכן דאס שיפל זינקען.


דאס שיפל איז טאקע אונטערגעגאנגען אין ווייניגער ווי דריי מינוט, אבער די פראנצויזישע קרעפטן האבן באוויזן ארויסצוראטעווען און ארעסטירן אלע פיר פארדעכטיגטע. זיי האבן אויך ארויסגעפינען פיר פעקלעך וואס האבן אנטהאלטן 146 קילאגראם (321 פונט) קאקעין. לויט די אויטאריטעטן זענען נאך עטליכע טאן פון די אומלעגאלע דראגס אראפגעגאנגען אין תהום אינאיינעם מיטן שיפל, וואס מיינט אז דאס וואס מען האט געכאפט איז בלויז א קליינע טייל פונעם גרויסן לאדונג.


די פראנצויזישע מיניסטער פאר באוואפנטע קרעפטן, קאטערין וואטרין, האט שטארק אויסגעלויבט די אפעראציע, ארויסברענגענדיג די וויכטיגקייט פון אינטערנאציאנאלע קאאפעראציע אין די קאמף קעגן פארגעשריטענע דראג-שמוגלער נעצן. די מיסיע איז דורכגעפירט געווארן אין קאארדינאציע מיט אמעריקאנער און אייראפעאישע אנטי-דראג אגענטורן, וואס צייגט וויאזוי שפיאנאזש און לופט-אבזערוואציע קענען ארויסהעלפן אפצושטעלן פארברעכנס אויפן אפענעם ים. די אפישעלס האבן צוגעגעבן אז די אפעראציע איז דורכגעפירט געווארן אונטער די יונייטעד נעישאנס געזעצן, וואס ערלויבט אפצושטעלן און ארויפגיין אויף פארדעכטיגטע שיפלעך וואס האבן נישט קיין אפיציעלע נאציאנאליטעט.


די פיר ארעסטירטע, אינאיינעם מיט די געכאפטע קאקעין און די אויספארשונג, זענען איבערגעגעבן געווארן פאר די פראנצויזישע אנטי-דראג אויטאריטעטן אינעם קאראבישן ראיאן.


האלב-סובמארין שיפלעך זענען גאר שווער אויפצוכאפן וויבאלד זיי פארן גאר נידריג אינעם וואסער, וואס מאכט זיי כמעט אומזעיבאר און זייער נוצבאר פאר קרימינאלע נעצן וואס פרובירן צו שמוגלען גרויסע קוואנטומס דראגס איבערן אטלאנטישן אקעאן. די יעצטיגע היסטארישע כאפ איז א גרויסע דערגרייכונג פאר די פראנצויזישע נעיווי אין זייער אנגייענדע קאמף צו צעשטערן די אינטערנאציאנאלע קאקעין שמוגלעריי רוטס אינעם קאראבישן ים און ארומיגע וואסערן.