דעם ליל תשעה באב האבן טויזנטע אידן זיך פארזאמלט אינעם גיגאנטישן בית ויזניץ אין בני ברק צו הערן די דברי קינה ונהי איבערגעגעבן בלבת אש קודש מפי דעם וועלט בארימטע משפיע ומלהיב לבבות ישראל לאביהם שבשמים הגאון הצדיק רבי אהרן טויסיג שליט"א וואס האט אויפגע'פלאמט די הארצער לתשובה ותיקון המעשים.

די טויזענטער אידן זענען געזצן געשפאנט פאר קרוב צו דריי שעה נאכנאנד און געשלינגען מיט דארשט די דברים היוצאים מן הלב וואס איז מעורר ביז צו די הארץ סטרונעס פון אלע מקשיבים. דער משפיע שליט"א האט מקונן געוועהן על חורבן וצרות ישראל, דערביי מיט דברי התחזקות בענינים הצריכים חיזוק ותיקון, ובפרט אויף עניני בין אדם לחבירו, אזוי אויך האט ער מרעיש עולמות געוועהן אויף די פריצות נוראה וואס הערשט אין די געגנטער פון די חתונה זאלן, ווען עס איז אוממעגליך פאר ערליכע אידן דארט דורך'צוגיין, דערביי האט ער זיך געוואנדן צו די בית יעקב אלו הנשים און גערופן בקול גדול אז די וואס ווילן אריינגעשריבן ווערן אין די היסטוריה פון די 'נשים צדקניות וואס בזכותן עתידין להיגאל' זאל'ן זעהן זיך צו מחזק זיין בגדרים וסייגים און אע"פ די גאס געערט צו זיי פונקיט ווי צו די מענער, דאך זאל'ן זיי זעהן צו גיין בצידי הדרכים און נישט מכשיל זיין חלילה די אנשים.

דערנאך איז פארגעקומען די מעמד התפילה לבקשת הגאולה ווי דער משפיע האט פאר'געזאגט באשטימטע מזמורי תהילים און א ספציעלע תפילה פון מרן החפץ חיים לישועתן של ישראל.

שפעטער אויף די נאכט האט דער משפיע מעתיר געוועהן אויף תומכי 'קופת העיר' בני ברק אינעם זמן מסוגל ווי עס שטייט פון ר' פינחס קאריצער זי"ע 'בת"ב בעת שיושבין על הארץ הוא עת רצון גדול ביותר לפעול כל דבר ישועה ורחמים.

הונדערטע טויזנטע אידן פון איבער די גארער וועלט האבן מיט געהאלטען די שמועס דורך א לייו הוקאפ, און טראץ וואס די עסקנים האבן אריינגעלייגט איבער מיד'ליכע כוחות אז עס זאל זיין גענוג ליניעס פאר יעדן, דאך האבן זי זעהר ווייט אונטערגעשאצט און די ליינס פשוט אויסגעשאלטערט פון באנוץ, נאכדעם וואס עס האט נישט געקענט פארנעמען אזויפיל אריינרופער קע"ה הצמאים לשמוע את דבר ה'.