הארמוז קאנפראנטאציע: סעקרעטערי רוביא טענה'ט אז איראן האט פארלוירן קאנטראל אויפן דורכגאס
גאלערי
ווידעאס
סעקרעטערי אוו סטעיט מארקא רוביא טענה'ט אז די הארמוז דורכגאס איז צוריק אפן; איראן און אומאפהענגיגע קוועלעס לייקענען עס אפ
סעקרעטערי אוו סטעיט מארקא רוביא האט די וואך איבערגעגעבן פאר רעפארטערס אין אטען, גריכנלאנד, אז די קריטישע הארמוז דורכגאס איז למעשה צוריק אפן פאר קאמערץ. לויט אים, זענען די אויל פלוסן דורכ'ן וואסער-וועג צוריק ארויפגעשטיגן כמעט צו די זעלבע שטאפלען ווי בעפאר די קריג, און איראן האט אינגאנצן פארלוירן קאנטראל אויפ'ן דורכגאס.
רוביא האט אנגעוויזן אז די טויש איז א דירעקטע רעזולטאט פון די אמעריקאנער נעיווי בלאקאדע און די מאנאטן-לאנגע עקאנאמישע דרוק. ער האט אראפגעשטעלט די פרעשור קאמפיין אלס א צילברענגנדע און סוקסעספולע סטראטעגיע פון די טראמפ אדמיניסטראציע צו צווינגען טעהראן צו מאכן קאנצעסיעס.
דער סעקרעטערי אוו סטעיט האט קלארגעשטעלט אז די פירערשאפט אין טעהראן, און נישט וואשינגטאן, טראגט די פולע פאראנטווארטליכקייט פאר די שווערע עקאנאמישע מצב פון די איראנער בירגער. אלס באווייז האט ער אנגעוויזן וויאזוי די איראנער רעגירונג גיסט אריין שווערע געלטער צו פינאנצירן טעראר גרופעס ווי כעזבאלא, כאמאס און די כאוטיס, צייגנדיג אז זיי לייגן א גרעסערע געוויכט אויף ראיאנישע פראקסי מלחמות ווי אויף זייער אייגענע באפעלקערונג.
דערווייל אבער, זענען רוביא'ס ווערטער ווייט פון באשטעטיגט. אומאפהענגיגע טרעקינג פירמעס, אריינגערעכנט 'IMF PortWatch' און 'Kpler', באריכטן א דראסטישע רעדוקציע אין טאנקער טראפיק דורכ'ן דורכגאס אין די לעצטע טעג. טייל דאטא צייגט אז בלויז געציילטע שיפן פארן יעצט דורך, אין קאנטראסט צו ארום 85 שיפן א טאג בעפאר דעם קאנפליקט.
איראנער באאמטע האבן קאטעגאריש אפגעווארפן רוביא'ס סטעיטמענטס, זאגנדיג אז דאס איז בלויז פראפאגאנדע און נישט קיין פאקטן. טעהראן'ס העכסטע נאציאנאלע זיכערהייט קאונסיל האט דערקלערט אז די דורכגאס וועט זיך נישט עפענען אונטער סטראשונגען. אין די זעלבע צייט קומען נאך אלס אריין פרישע באריכטן איבער אטאקירטע טאנקערס און געשעדיגטע שיפן אינעם ראיאן, טראץ וואס וואשינגטאן האלט זיך ביי דאס אייגענע אז די מצב האט זיך שוין געטוישט.
די אויל מארקעטס בלייבן דערווייל אומסטאביל, מיט פרייזן וואס טאנצן ארויף און אראפ, בשעת ביידע זייטן מאלן אראפ אנדערע בילדער איבער ווער עס קאנטראלירט יעצט דעם קריטישן וואסער-וועג. עס זעט אויס אז די קריזיס ארום הארמוז איז נאך ווייט פון פאראיבער און בלייבט אן אקטיווע, אומגעלייזטע קאנפליקט.
סעקרעטערי אוו סטעיט מארקא רוביא האט די וואך איבערגעגעבן פאר רעפארטערס אין אטען, גריכנלאנד, אז די קריטישע הארמוז דורכגאס איז למעשה צוריק אפן פאר קאמערץ. לויט אים, זענען די אויל פלוסן דורכ'ן וואסער-וועג צוריק ארויפגעשטיגן כמעט צו די זעלבע שטאפלען ווי בעפאר די קריג, און איראן האט אינגאנצן פארלוירן קאנטראל אויפ'ן דורכגאס.
רוביא האט אנגעוויזן אז די טויש איז א דירעקטע רעזולטאט פון די אמעריקאנער נעיווי בלאקאדע און די מאנאטן-לאנגע עקאנאמישע דרוק. ער האט אראפגעשטעלט די פרעשור קאמפיין אלס א צילברענגנדע און סוקסעספולע סטראטעגיע פון די טראמפ אדמיניסטראציע צו צווינגען טעהראן צו מאכן קאנצעסיעס.
דער סעקרעטערי אוו סטעיט האט קלארגעשטעלט אז די פירערשאפט אין טעהראן, און נישט וואשינגטאן, טראגט די פולע פאראנטווארטליכקייט פאר די שווערע עקאנאמישע מצב פון די איראנער בירגער. אלס באווייז האט ער אנגעוויזן וויאזוי די איראנער רעגירונג גיסט אריין שווערע געלטער צו פינאנצירן טעראר גרופעס ווי כעזבאלא, כאמאס און די כאוטיס, צייגנדיג אז זיי לייגן א גרעסערע געוויכט אויף ראיאנישע פראקסי מלחמות ווי אויף זייער אייגענע באפעלקערונג.
דערווייל אבער, זענען רוביא'ס ווערטער ווייט פון באשטעטיגט. אומאפהענגיגע טרעקינג פירמעס, אריינגערעכנט 'IMF PortWatch' און 'Kpler', באריכטן א דראסטישע רעדוקציע אין טאנקער טראפיק דורכ'ן דורכגאס אין די לעצטע טעג. טייל דאטא צייגט אז בלויז געציילטע שיפן פארן יעצט דורך, אין קאנטראסט צו ארום 85 שיפן א טאג בעפאר דעם קאנפליקט.
איראנער באאמטע האבן קאטעגאריש אפגעווארפן רוביא'ס סטעיטמענטס, זאגנדיג אז דאס איז בלויז פראפאגאנדע און נישט קיין פאקטן. טעהראן'ס העכסטע נאציאנאלע זיכערהייט קאונסיל האט דערקלערט אז די דורכגאס וועט זיך נישט עפענען אונטער סטראשונגען. אין די זעלבע צייט קומען נאך אלס אריין פרישע באריכטן איבער אטאקירטע טאנקערס און געשעדיגטע שיפן אינעם ראיאן, טראץ וואס וואשינגטאן האלט זיך ביי דאס אייגענע אז די מצב האט זיך שוין געטוישט.
די אויל מארקעטס בלייבן דערווייל אומסטאביל, מיט פרייזן וואס טאנצן ארויף און אראפ, בשעת ביידע זייטן מאלן אראפ אנדערע בילדער איבער ווער עס קאנטראלירט יעצט דעם קריטישן וואסער-וועג. עס זעט אויס אז די קריזיס ארום הארמוז איז נאך ווייט פון פאראיבער און בלייבט אן אקטיווע, אומגעלייזטע קאנפליקט.