טראמפ זעט אלס פאזיטיוו אז רוסלאנד און טשיינע האבן כמעט נישט געהאלפן איראן, טראץ וואס זיי וואלטן געקענט טון סאך מער
גאלערי
ווידעאס
בס"ד
פרעזידענט טראמפ: "רוסלאנד און כינע האבן געקענט טון פיל מער פאר איראן"; איז אפן צו א סאמיט מיט פוטין און שי
פרעזידענט דאנאלד טראמפ זאגט אז איראן'ס צוויי גרעסטע פריינט אויף די וועלטליכע ארענע האבן געגעבן פאר טעהראן פיל ווייניגער הילף ווי זיי וואלטן געקענט, און ער רופט דאס אן א "זייער פאזיטיווע זאך".
רעדנדיג צו רעפארטערס מאנטאג, האט דער פרעזידענט געזאגט אז רוסלאנד וואלט געקענט טון אסאך מער פאר איראן, אבער האט געטון זייער ווייניג. אויף כינע האט ער געזאגט אז זיי האבן אויך געקענט טון אסאך מער, אבער טוען "נישט אזוי סאך, אפשר כמעט גארנישט", און ער האט באצייכנט די באגרעניצטע שטיצע אלס א גוטע אנטוויקלונג.
אויף די פראגע צי ער האט שוין איינגעשטימט צו א דריי-פארטיגע זיצונג מיט'ן רוסישן פרעזידענט וולאדימיר פוטין און דעם כינעזישן פרעזידענט שי דזשינפינג, האט טראמפ געענטפערט ניין, אבער ער האט קלארגעשטעלט אז ער איז גרייט עס צו טון. ער האט אנגעוויזן אז אזעלכע געשפרעכן וועלן זיך קאנצענטרירן אויף נוקלעארע וואפן און דאס פטור ווערן פון נוקלעארע ארסענאלן. לויט באריכטן איז ער אפן זיך צו טרעפן מיט זיי אין כינע קומענדיגן נאוועמבער.
די קאמענטארן ברענגען אבער ארויף עטלעכע פראגעס איבער וויפיל הילף הייסט "זייער ווייניג". טראמפ האט שוין פריער געזאגט אז ביידע פירער האבן אים צוגעזאגט אז זיי וועלן נישט פארקויפן קיין וואפן פאר איראן. אבער אנדערע באריכטן צייגן פונקט פארקערט, מיט קלאגעס אז כינע האט יא געשטעלט מיסיל ארויסשיסערס און געהאלפן איראן אויסמיידן די שווערע אויל סאנקציעס. ווי אויך האט אן אמעריקאנער באאמטער געזאגט פאר 'בלומבערג' אז רוסלאנד שטעלט צו מיסילס פאר טעהראן. בעדזשינג פון איר זייט לייקנט אבער אפ אז כינעזישע פירמעס האבן געהאלפן די איראנער מיליטער.
אין די זעלבע צייט ווערט באריכטעט אז פוטין אליינס האט פארגעשלאגן אן אייגענע דריי-פארטיגע סאמיט, מיט'ן ציל צו ענדיגן די מלחמה אין אוקריינא. דעריבער איז דערווייל נאך אומקלאר וואס די אגענדע פון אזא מיטינג וועט זיין, אדער צי עס וועט בכלל צושטאנד קומען.
פרעזידענט טראמפ: "רוסלאנד און כינע האבן געקענט טון פיל מער פאר איראן"; איז אפן צו א סאמיט מיט פוטין און שי
פרעזידענט דאנאלד טראמפ זאגט אז איראן'ס צוויי גרעסטע פריינט אויף די וועלטליכע ארענע האבן געגעבן פאר טעהראן פיל ווייניגער הילף ווי זיי וואלטן געקענט, און ער רופט דאס אן א "זייער פאזיטיווע זאך".
רעדנדיג צו רעפארטערס מאנטאג, האט דער פרעזידענט געזאגט אז רוסלאנד וואלט געקענט טון אסאך מער פאר איראן, אבער האט געטון זייער ווייניג. אויף כינע האט ער געזאגט אז זיי האבן אויך געקענט טון אסאך מער, אבער טוען "נישט אזוי סאך, אפשר כמעט גארנישט", און ער האט באצייכנט די באגרעניצטע שטיצע אלס א גוטע אנטוויקלונג.
אויף די פראגע צי ער האט שוין איינגעשטימט צו א דריי-פארטיגע זיצונג מיט'ן רוסישן פרעזידענט וולאדימיר פוטין און דעם כינעזישן פרעזידענט שי דזשינפינג, האט טראמפ געענטפערט ניין, אבער ער האט קלארגעשטעלט אז ער איז גרייט עס צו טון. ער האט אנגעוויזן אז אזעלכע געשפרעכן וועלן זיך קאנצענטרירן אויף נוקלעארע וואפן און דאס פטור ווערן פון נוקלעארע ארסענאלן. לויט באריכטן איז ער אפן זיך צו טרעפן מיט זיי אין כינע קומענדיגן נאוועמבער.
די קאמענטארן ברענגען אבער ארויף עטלעכע פראגעס איבער וויפיל הילף הייסט "זייער ווייניג". טראמפ האט שוין פריער געזאגט אז ביידע פירער האבן אים צוגעזאגט אז זיי וועלן נישט פארקויפן קיין וואפן פאר איראן. אבער אנדערע באריכטן צייגן פונקט פארקערט, מיט קלאגעס אז כינע האט יא געשטעלט מיסיל ארויסשיסערס און געהאלפן איראן אויסמיידן די שווערע אויל סאנקציעס. ווי אויך האט אן אמעריקאנער באאמטער געזאגט פאר 'בלומבערג' אז רוסלאנד שטעלט צו מיסילס פאר טעהראן. בעדזשינג פון איר זייט לייקנט אבער אפ אז כינעזישע פירמעס האבן געהאלפן די איראנער מיליטער.
אין די זעלבע צייט ווערט באריכטעט אז פוטין אליינס האט פארגעשלאגן אן אייגענע דריי-פארטיגע סאמיט, מיט'ן ציל צו ענדיגן די מלחמה אין אוקריינא. דעריבער איז דערווייל נאך אומקלאר וואס די אגענדע פון אזא מיטינג וועט זיין, אדער צי עס וועט בכלל צושטאנד קומען.