Loading

קידוש לבנה און שמחת החלאקה בחצר הקודש וויזניץ: כ"ק אדמו"ר מוויזניץ – לרפואה שלימה – ביים לחיים טיש לכבוד דעם אפשערן פון אן אור-אייניקל, אייניקל פונעם זון הרה"צ רבי יעקב מרדכי אב"ד אלעד שליט"א

ט כסלו תשפ"ז

0 355
Main image for קידוש לבנה און שמחת החלאקה בחצר הקודש וויזניץ: כ"ק אדמו"ר מוויזניץ – לרפואה שלימה – ביים לחיים טיש לכבוד דעם אפשערן פון אן אור-אייניקל, אייניקל פונעם זון הרה"צ רבי יעקב מרדכי אב"ד אלעד שליט"א

און נאך בחצר הקודש וויזניץ:

אין די יעצטיגע טעג הערשט א געהויבענע שטימונג בקרב חסידי וויזניץ איבער דער וועלט, נאכדעם וואס דער רבי שליט"א האט אויסגעדריקט זיין רצון פאר עטליכע מקורבים, אויפצונעמען און מכתיר זיין זיין זון הרה"צ רבי יעקב מרדכי שליט"א (יעצט אב"ד אלעד) אלס דער רב און אב"ד פון די וויזניצער קהילות אין אמעריקע און קאנאדע.

נעכטן אוונט, דינסטאג, איז אריין בקודש פנימה דער מאנסי'ער ראש ישיבה, הגה"ג רבי יהודה אריה פולק שליט"א, וועלכער האט זוכה געווען צו הערן מכלי ראשון פונעם רבי'ן שליט"א אליין ווי שטארק דער רבי האט פרייד מיט דעם נייעם, חשוב'ן שריט לטובת די קהילות אין אמעריקע.

ווי מען הערט פון די שטוב-מענטשן, ווערט שוין צוגעגרייט א פייערליכער מעמד ההכתרה וואס זאל פארקומען אין די קומענדיגע וואכן אין שטוב ביים רבי'ן שליט"א, וואו עס וועט ספעציעל אראפקומען א חשוב'ע משלחת פון די רבנים און ראשי הקהילות פון אמעריקע, זיך מיטצופרייען און מקבל זיין דעם נייעם רב.