טראגיש:  איראנער בחור ארווין נתנאל קאהארמאני הי"ד הינגעריכטעט דורך ארטיגע רעזשים* 

טעהראן - נאך לאנגע חדשים וואס כלל ישראל בכלל מקומות מושבותיהם האבן מתפלל געווען פאר הבחור ארווין נתנאל בן ציונה זאל באפרייט ווערן מאפילה לאורה פון טורמע אין איראן וואו עס האט אים געדראעט טויט שטראף, איז היינט ליידער אנגעקומען די ביטערע בשורה אז די איראנער רעזשים האט אויסגעפירט די אורטייל און אים ליידער הינגעריכטעט, הי”ד.

ווי באריכטעט דא מיט א צייט צוריק איז נתנאל ארעסטירט געווארן פאר צוויי יאר צוריק צוליבן זיין פארמישט אין א געפעכט מיט א פערציג יעריגער לאקאלע איראנער מאן מיטן נאמען אמיר שוקרי וואס איז אים שולדיג געווען געלט, וואס האט זיך בטעות געענדיגט מיט די טויט פון שוקרי. נתנאל האט געטענה’ט אז ער האט עס געטוהן צו זיך באשיצן פון שוקרי וואס האט אים דערביי געסטראשעט מיט א מעסער, אבער זיינע ווערטער זענען געפאלן אויף טויבע אויערן.

אידישע און אינטערנאציאנאלע ארגאניזאציעס אין שפיץ פון די וואילטעטיגע ’צדק’ ארגאניזאציע האבן געארבעט אויף קעסל און כלים פאר זיין באפרייאונג און עס איז אפילו אנגעבאטן געווארן א מיליאן דאלאר פאר די פאמיליע צו פארגיבן זיין אויף די אורטייל, אבער היינט איז אנגעקומען די נייעס אז ער איז ליידער הינגעריכטעט געווארן דורך די ארטיגע רעזשים.

בשורות טובות.

*זעמל*