דער איראנער פרעזידענט מאסוד פאזעשקיאן רוקט פאראויס אן אגרעסיווע פלאן אויסצוברייטערן די באנוץ פון סאלאר ענערגיע, אין א צייט וואס דאס לאנד מוטשעט זיך מיט א שווערע מאנגל אין עלעקטריסיטי און כסדר'דיגע פאוער אויסלעשונגען. אלס טייל פון די פרישע באמיאונגען, האט מען יעצט אינאגורירט א ריזיגע סאלאר קאמפלעקס נעבן די הויפטשטאט טעהראן, וואס איז ספעציעל געצילט צו צושטעלן קראפט פאר אינדוסטריעלע פאבריקן און אראפנעמען דעם דרוק פונעם נאציאנאלן עלעקטריק גריד. דאס צייגט ווי וויכטיג די נושא פון רינועבל ענערגיע (Renewable energy) איז געווארן פאר איראן, וויבאלד באאמטע זוכן נויטיגע וועגן וויאזוי צו פארזיכערן א סטאבילע עלעקטריסיטי סופליי און ראטעווען די לאקאלע פראדוקציע.

דער נייער קאמפלעקס וואס איז יעצט געעפנט געווארן, איז א 95-מעגאוואט פראדזשעקט וואס באשטייט פון צוויי טיילן: די 63-מעגאוואט 'קאיעד שאהיד' פאסילעטי און די 32-מעגאוואט 'שאהאדא לאמערד' פאסילעטי, וועלכע געפינען זיך אינעם 'שאמסאבאד' אינדוסטריעלן זאנע נעבן טעהראן. די פאקוס אויף אינדוסטריע איז זייער וויכטיג, וויבאלד איראן פרובירט צו ראטעווען אירע פאבריקן און ביזנעסער פון די שווערע קאנסעקווענצן פון די פאוער שארטידזשעס. פאזעשקיאן האט שוין פריער געווארנט אז די רעגירונג מוז האנדלען שנעל כדי די פאבריקן זאלן נישט דארפן זיצן אין דער טונקל, און ער טענה'ט אז סאלאר ענערגיע איז די בעסטע וועג צו דעקן דעם דעפיציט אן זיך דארפן אנלאנען אויף די געווענליכע ענערגיע קוואלן.

דער פראדזשעקט ווערט פרעזענטירט אלס א טייל פון א פיל גרעסערע קאמפיין, וואו איראן זוכט צוצושטעלן הונדערטער פרישע מעגאוואטס פון רינועבל ענערגיע איבערן גאנצן לאנד. פריערדיגע רעגירונג פראגראמען אונטער פאזעשקיאן האבן אריינגערעכנט א 250-מעגאוואט סאלאר פראדזשעקט וואס איז געעפנט געווארן אין יאר 2025, און באאמטע ארבעטן אויף פלענער פאר פיל גרעסערע פראדזשעקטן אין די קומענדיגע יארן. די איראנער רעגירונג האט זיך געשטעלט א לאנג-טערמין ציל צו צובאקומען צענדליגער טויזנטער מעגאוואטס פון פרישע עלעקטריק, וואו סאלאר פאנעלן וועלן שפילן א הויפט ראלע.

די פאזעשקיאן אדמיניסטראציע קוקט אויף סאלאר פאוער אלס אן ערנסטע 'ענערגיע-זיכערהייט' אישו, און נישט בלויז אלס אן ענווייראמענטאלע פראדזשעקט. איראן האט א גרויסע פאטענציאל פאר סאלאר, אבער היסטאריש האט זייער עלעקטריק סיסטעם זיך אנגעלענט הויפטזעכטליך אויף נאטורליכע גאז און אנדערע קאנווענציאנאלע ברענשטאף, וואס דאס מאכט דעם גריד זייער סענסיטיוו ווען די סופליי אדער די אינפראסטרוקטור קען נישט נאכקומען די גרויסע נאכפראגע. דערפאר זוכט די רעגירונג צו פראדוצירן מער סאלאר עקוויפמענט לאקאל, צוזאמען מיט אינוועסטמענטס פונעם פריוואטן סעקטאר און פינאנציעלע שטיצע פאר נייע פאסילעטיס.

די גרויסע פראגע בלייבט אבער צי איראן קען בויען די סאלאר פראדזשעקטן גענוג שנעל צו מאכן אן אמת'ע טויש אין די עלעקטריסיטי קריזיס. די נייע קאמפלעקס נעבן טעהראן איז א קלארע צייכן אז דער פרעזידענט וויל אז סאלאר זאל זיין א הויפט טייל פון די לייזונג, אבער די געברויכן פונעם לאנד זענען אזוי גרויס אז איין פראדזשעקט אליין וועט נישט סאלוון דעם פראבלעם. אויב די רעגירונג וועט אבער קענען פארשנעלערן דאס בויען, די פינאנצירונג, און די לאקאלע פראדוקציע פון עקוויפמענט, קען די סאלאר קאמפיין ווערן איינע פון די וויכטיגסטע שריט צו סטאביליזירן איראן'ס עלעקטריק סופליי און האלטן די פאבריקן אפן.