מאסיווע קינגסבארא רידעוועלאפמענט פראיעקט נעבן קראונהייטס רוקט זיך פאראויס, וועט ברענגען 1,090 וואוינונגען און נייע שעלטערס פאר היימלאזע
גאלערי
ווידעאס
בס"ד
קראון הייטס: א ריזיגע בוי-פראדזשעקט ביים גרעניץ פון די געגנט ברענגט זארג ביי איינוואוינער; סטעיט קלארט אויס די פאקטן
א מאסיווע פראדזשעקט איבערצובויען דעם געוועזענעם 'קינגסבארא סייקיאטריק צענטער' קעמפוס רוקט זיך פאראויס ביים גרעניץ פון קראון הייטס און איסט פלעטבוש. עס וועט ברענגען איבער 1,000 'עפארדעבל' און 'סופארטיוו' דירות, נייע קאמיוניטי צענטערן, און איבערגעבויטע היימלאזע שעלטערס צום ריזיגן שטח אויף קלארקסאן עוועניו.
אין די לעצטע תקופה האט די קאנסטראקשן ארבעט אויף 681 קלארקסאן עוועניו געצויגן שטארקע אויפמערקזאמקייט אין די קראון הייטס קאמיוניטי. קליפס פונעם סייט זענען ארומגעפארן אויף די נעצן, אינאיינעם מיט גרויסע זארגן איבער די סייז פונעם פראדזשעקט און ווער עס גייט דארט וואוינען. אבער אפיציעלע דאקומענטן פון ניו יארק סטעיט ווייזן אז דער פראדזשעקט איז פיל מער קאמפליצירט ווי די קלאנגען וואס זענען ארומגעפארן, וועלכע האבן אראפגעלייגט דעם גאנצן פראדזשעקט ווי איין ריזיגע נייע שעלטער מיט 1,100 בעטן.
לויט די יעצטיגע פלענער פון די סטעיט, גייט דער פראדזשעקט אנטהאלטן ארום 1,090 עפארדעבל דירות. דאס רעכנט אריין 427 געווענליכע עפארדעבל דירות, 337 דירות פאר עלטערע מענטשן (סיניארס), און 326 'סופארטיוו' דירות. פון די סופארטיוו דירות זענען טייל געווידמעט פאר מענטשן מיט גייסטישע פראבלעמען אדער כראנישע היימלאזע, און אנדערע פאר יוגנטליכע וואס קומען ארויס פון פאסטער קעיר.
באזונדער פון די דירות, גייען צוויי עקזיסטירנדע שעלטערס פאר מענער וואס געפינען זיך שוין יעצט אויפן קעמפוס ווערן אינגאנצן אראפגעווארפן און איבערגעבויט מיט מאדערנע איינריכטונגען. די סטעיט לייגט אבער א שטארקע דגוש אז די נייע שעלטערס וועלן בלויז האבן די זעלבע קאפאציטעט ווי די יעצטיגע שעלטערס, און עס גייט נישט צוקומען קיין פרישע 1,000 שעלטער בעטן ווי טייל האבן געמיינט. די פלענער צייגן אז די יעצטיגע שעלטערס האבן א קאפאציטעט פון 364 בעטן.
דער ריזיגער פראדזשעקט פון ארום 7.2 עיקער איז א טייל פון ניו יארק סטעיט'ס "ווייטעל ברוקלין" איניציאטיוו. אויסער די דירות, וועט זיין איבער צוויי עיקער פון אפענע פלאץ פארן פובליק, קאמיוניטי צענטערן, סאשעל-סערוויס אפיסעס, קאמערציאלע געשעפטן און נאך.
די ערשטע פאזע פונעם פראדזשעקט, וואס ווערט אנגערופן ספעראו סקווער (Sparrow Square), האלט שוין אינמיטן זיך בויען. עס וועט אנטהאלטן צוויי 10-שטאקיגע געביידעס מיט ארום 262 עפארדעבל דירות (אריינגערעכנט 117 סופארטיוו דירות), ווי אויך א קאמיוניטי צענטער. די ארבעט אויף די ערשטע פאזע ערווארטעט מען זאל זיין פארטיג אנהייב יאר 2029.
טראץ די קלארשטעלונגען, האט דער פראדזשעקט ארויסגערופן ערנסטע זארג ביי טייל קראון הייטס איינוואוינער און עסקנים, הויפטזעכטליך איבער דעם פאקט אז מען ברענגט אריין אזויפיל סופארטיוו האוזינג און שעלטער סערוויסעס אין די געגנט.
די זארגן זענען נישט קיין נייע. נאך בעפאר די בוי-ארבעט האט זיך אנגעהויבן, האבן איינוואוינער אריינגעגעבן קאמפלעינטס אז דער פראדזשעקט קען מאכן די עקזיסטירנדע פראבלעמען אין די געגנט נאך ערגער. די 'עמפייער סטעיט דעוועלאפמענט' אגענטור האט דעמאלטס געענטפערט אז דאס איבערבויען די אלטע שעלטערס און צושטעלן נייע דירות וועט פונקט פארקערט פארבעסערן די מצב אין צענטראל ברוקלין.
לאקאלע אידישע נייעס קוועלער און עסקנים האלטן ווייטער אן מיט זייערע קאמפיינס קעגן דעם פראדזשעקט ווי מער די קאנסטראקשן רוקט זיך פאראויס, און טייל רופן עס נאך אלץ אן א ריזיגע היימלאזע פאסיליטי. די סטעיט האלט זיך אבער ביי אירע פלענער און צייגט אן דעם קלארן חילוק צווישן פערמאנענטע דירות און היימלאזע שעלטערס.
לויט די יעצטיגע פלענער, וועט דער גאנצער פראדזשעקט געבויט ווערן אין דריי פאזעס, און עס וועט זיין אינגאנצן פארטיג און באזעצט ביז ענדע יאר 2034. די קאנסטראקשן וואס מען זעט יעצט איז בלויז דער אנהייב פון א לאנג-טערמיניגע טראנספארמאציע פון איינע פון די גרעסטע סטעיט-אייגנטום שטחים נעבן די קראון הייטס אידישע קאמיוניטי, וואס וועט טוישן דעם פנים פון די געגנט אין די קומענדיגע יארן.
קראון הייטס: א ריזיגע בוי-פראדזשעקט ביים גרעניץ פון די געגנט ברענגט זארג ביי איינוואוינער; סטעיט קלארט אויס די פאקטן
א מאסיווע פראדזשעקט איבערצובויען דעם געוועזענעם 'קינגסבארא סייקיאטריק צענטער' קעמפוס רוקט זיך פאראויס ביים גרעניץ פון קראון הייטס און איסט פלעטבוש. עס וועט ברענגען איבער 1,000 'עפארדעבל' און 'סופארטיוו' דירות, נייע קאמיוניטי צענטערן, און איבערגעבויטע היימלאזע שעלטערס צום ריזיגן שטח אויף קלארקסאן עוועניו.
אין די לעצטע תקופה האט די קאנסטראקשן ארבעט אויף 681 קלארקסאן עוועניו געצויגן שטארקע אויפמערקזאמקייט אין די קראון הייטס קאמיוניטי. קליפס פונעם סייט זענען ארומגעפארן אויף די נעצן, אינאיינעם מיט גרויסע זארגן איבער די סייז פונעם פראדזשעקט און ווער עס גייט דארט וואוינען. אבער אפיציעלע דאקומענטן פון ניו יארק סטעיט ווייזן אז דער פראדזשעקט איז פיל מער קאמפליצירט ווי די קלאנגען וואס זענען ארומגעפארן, וועלכע האבן אראפגעלייגט דעם גאנצן פראדזשעקט ווי איין ריזיגע נייע שעלטער מיט 1,100 בעטן.
לויט די יעצטיגע פלענער פון די סטעיט, גייט דער פראדזשעקט אנטהאלטן ארום 1,090 עפארדעבל דירות. דאס רעכנט אריין 427 געווענליכע עפארדעבל דירות, 337 דירות פאר עלטערע מענטשן (סיניארס), און 326 'סופארטיוו' דירות. פון די סופארטיוו דירות זענען טייל געווידמעט פאר מענטשן מיט גייסטישע פראבלעמען אדער כראנישע היימלאזע, און אנדערע פאר יוגנטליכע וואס קומען ארויס פון פאסטער קעיר.
באזונדער פון די דירות, גייען צוויי עקזיסטירנדע שעלטערס פאר מענער וואס געפינען זיך שוין יעצט אויפן קעמפוס ווערן אינגאנצן אראפגעווארפן און איבערגעבויט מיט מאדערנע איינריכטונגען. די סטעיט לייגט אבער א שטארקע דגוש אז די נייע שעלטערס וועלן בלויז האבן די זעלבע קאפאציטעט ווי די יעצטיגע שעלטערס, און עס גייט נישט צוקומען קיין פרישע 1,000 שעלטער בעטן ווי טייל האבן געמיינט. די פלענער צייגן אז די יעצטיגע שעלטערס האבן א קאפאציטעט פון 364 בעטן.
דער ריזיגער פראדזשעקט פון ארום 7.2 עיקער איז א טייל פון ניו יארק סטעיט'ס "ווייטעל ברוקלין" איניציאטיוו. אויסער די דירות, וועט זיין איבער צוויי עיקער פון אפענע פלאץ פארן פובליק, קאמיוניטי צענטערן, סאשעל-סערוויס אפיסעס, קאמערציאלע געשעפטן און נאך.
די ערשטע פאזע פונעם פראדזשעקט, וואס ווערט אנגערופן ספעראו סקווער (Sparrow Square), האלט שוין אינמיטן זיך בויען. עס וועט אנטהאלטן צוויי 10-שטאקיגע געביידעס מיט ארום 262 עפארדעבל דירות (אריינגערעכנט 117 סופארטיוו דירות), ווי אויך א קאמיוניטי צענטער. די ארבעט אויף די ערשטע פאזע ערווארטעט מען זאל זיין פארטיג אנהייב יאר 2029.
טראץ די קלארשטעלונגען, האט דער פראדזשעקט ארויסגערופן ערנסטע זארג ביי טייל קראון הייטס איינוואוינער און עסקנים, הויפטזעכטליך איבער דעם פאקט אז מען ברענגט אריין אזויפיל סופארטיוו האוזינג און שעלטער סערוויסעס אין די געגנט.
די זארגן זענען נישט קיין נייע. נאך בעפאר די בוי-ארבעט האט זיך אנגעהויבן, האבן איינוואוינער אריינגעגעבן קאמפלעינטס אז דער פראדזשעקט קען מאכן די עקזיסטירנדע פראבלעמען אין די געגנט נאך ערגער. די 'עמפייער סטעיט דעוועלאפמענט' אגענטור האט דעמאלטס געענטפערט אז דאס איבערבויען די אלטע שעלטערס און צושטעלן נייע דירות וועט פונקט פארקערט פארבעסערן די מצב אין צענטראל ברוקלין.
לאקאלע אידישע נייעס קוועלער און עסקנים האלטן ווייטער אן מיט זייערע קאמפיינס קעגן דעם פראדזשעקט ווי מער די קאנסטראקשן רוקט זיך פאראויס, און טייל רופן עס נאך אלץ אן א ריזיגע היימלאזע פאסיליטי. די סטעיט האלט זיך אבער ביי אירע פלענער און צייגט אן דעם קלארן חילוק צווישן פערמאנענטע דירות און היימלאזע שעלטערס.
לויט די יעצטיגע פלענער, וועט דער גאנצער פראדזשעקט געבויט ווערן אין דריי פאזעס, און עס וועט זיין אינגאנצן פארטיג און באזעצט ביז ענדע יאר 2034. די קאנסטראקשן וואס מען זעט יעצט איז בלויז דער אנהייב פון א לאנג-טערמיניגע טראנספארמאציע פון איינע פון די גרעסטע סטעיט-אייגנטום שטחים נעבן די קראון הייטס אידישע קאמיוניטי, וואס וועט טוישן דעם פנים פון די געגנט אין די קומענדיגע יארן.