א נייע דראון מאדערשיף אין די מאכונג: די סיקארסקי U-Hawk ווערט געבויט צו טראגן און ארויסשיסן קלענערע דראונס
גאלערי
ווידעאס
אן קיין פיילאטס: די בארימטע 'בלעק האק' העליקאפטער ווערט פארוואנדלט אין א ריזיגע דראון
איינע פון די וועלט'ס מערסט בארימטע העליקאפטערס גייט אין די נאענטע צוקונפט פליען אן קיין פיילאטס. אין א צייט אפשניט פון קוים 10 מאנאטן, האט די 'סיקארסקי' קאמפאני (וואס איז א טייל פון 'לאקהיד מארטין') פארוואנדלט די באקאנטע UH-60L 'בלעק האק' העליקאפטער אין אן אומבאמאנטע S-70UAS 'יו-האק' (U-Hawk).
די נייע מאדעל איז צום ערשטן מאל פארגעשטעלט געווארן ביי די AUSA קאנפערענץ אין אקטאבער 2025, און מען גרייט זיך יעצט צו די ערשטע פראבע פליען, וואס איז געפלאנט פאר ענדע 2026.
די קאקפיט, די זיצן און די פיילאט סטאנציעס זענען אינגאנצן ארויסגעווארפן געווארן. אנשטאט דעם האט מען אריינגעבויט ספעציעלע טירן און א רעמפ צו קענען אריינלאדן סחורה, וואס גיט פאר די העליקאפטער ארום 25 פראצענט מער פלאץ פאר קארגא ווי די סטאנדארטע בלעק האק.
ווי אזוי פליט עס אן קיין מענטש? דאס ווערט געפירט דורך א פארגעשריטענע דריטע-גענעראציע סיסטעם אינאיינעם מיט סיקארסקי'ס 'מעטריקס' (MATRIX) טעכנאלאגיע. אן אפערעיטאר דארף בלויז אריינלייגן די מישאן פלאן אויף א טעבלעט, און די קאמפיוטערס טוען די איבעריגע ארבעט.
דער ציל פונעם נייעם 'יו-האק' איז נישט אינגאנצן צו איבערנעמען די פלאץ פון אנדערע העליקאפטערס, נאר ענדערש צו ארבעטן אינאיינעם מיט באמאנטע פליגערס און אנדערע דראונס אויפן שלאכטפעלד. לויט די קאמפאני, קען די נייע העליקאפטער טראגן און ארויסשיקן קלענערע דראונס אינמיטן פליען, ווי אויך אראפלאזן אומבאמאנטע מיליטערישע טראקס פון איר רעמפ. די ציפערן זענען גאר אימפרעסיוו: עס קען פליען ביז 1,600 מייל אדער זיך דרייען אין די לופטן פאר ארום 14 שעה אין א ציה.
סיקארסקי זאגט אז וויבאלד עס איז געבויט אויפן זעלבן יסוד ווי די ביז יעצטיגע בלעק האק פלאטע, וועט עס אנהאלטן די זעלבע פארלעסליכקייט אבער מיט פיל ביליגערע אפערירונג קאסטן.
די אמעריקאנער ארמיי און עטליכע אייראפעאישע לענדער האבן שוין ארויסגעוויזן גרויס אינטערעסע דערין. די קאמפאני פלאנט צו אנהייבן פראדוקציע אין 2026 און אנהייבן דעליוועריס אין 2027. די גרויסע פראגע בלייבט יעצט צי א העליקאפטער אן קיין מענטשן דערין וועט קענען נאכמאכן די לעגענדארע סוקסעס פון די ארגינעלע בלעק האק איינמאל עס הייבט זיך אויף אין די לופטן.
איינע פון די וועלט'ס מערסט בארימטע העליקאפטערס גייט אין די נאענטע צוקונפט פליען אן קיין פיילאטס. אין א צייט אפשניט פון קוים 10 מאנאטן, האט די 'סיקארסקי' קאמפאני (וואס איז א טייל פון 'לאקהיד מארטין') פארוואנדלט די באקאנטע UH-60L 'בלעק האק' העליקאפטער אין אן אומבאמאנטע S-70UAS 'יו-האק' (U-Hawk).
די נייע מאדעל איז צום ערשטן מאל פארגעשטעלט געווארן ביי די AUSA קאנפערענץ אין אקטאבער 2025, און מען גרייט זיך יעצט צו די ערשטע פראבע פליען, וואס איז געפלאנט פאר ענדע 2026.
די קאקפיט, די זיצן און די פיילאט סטאנציעס זענען אינגאנצן ארויסגעווארפן געווארן. אנשטאט דעם האט מען אריינגעבויט ספעציעלע טירן און א רעמפ צו קענען אריינלאדן סחורה, וואס גיט פאר די העליקאפטער ארום 25 פראצענט מער פלאץ פאר קארגא ווי די סטאנדארטע בלעק האק.
ווי אזוי פליט עס אן קיין מענטש? דאס ווערט געפירט דורך א פארגעשריטענע דריטע-גענעראציע סיסטעם אינאיינעם מיט סיקארסקי'ס 'מעטריקס' (MATRIX) טעכנאלאגיע. אן אפערעיטאר דארף בלויז אריינלייגן די מישאן פלאן אויף א טעבלעט, און די קאמפיוטערס טוען די איבעריגע ארבעט.
דער ציל פונעם נייעם 'יו-האק' איז נישט אינגאנצן צו איבערנעמען די פלאץ פון אנדערע העליקאפטערס, נאר ענדערש צו ארבעטן אינאיינעם מיט באמאנטע פליגערס און אנדערע דראונס אויפן שלאכטפעלד. לויט די קאמפאני, קען די נייע העליקאפטער טראגן און ארויסשיקן קלענערע דראונס אינמיטן פליען, ווי אויך אראפלאזן אומבאמאנטע מיליטערישע טראקס פון איר רעמפ. די ציפערן זענען גאר אימפרעסיוו: עס קען פליען ביז 1,600 מייל אדער זיך דרייען אין די לופטן פאר ארום 14 שעה אין א ציה.
סיקארסקי זאגט אז וויבאלד עס איז געבויט אויפן זעלבן יסוד ווי די ביז יעצטיגע בלעק האק פלאטע, וועט עס אנהאלטן די זעלבע פארלעסליכקייט אבער מיט פיל ביליגערע אפערירונג קאסטן.
די אמעריקאנער ארמיי און עטליכע אייראפעאישע לענדער האבן שוין ארויסגעוויזן גרויס אינטערעסע דערין. די קאמפאני פלאנט צו אנהייבן פראדוקציע אין 2026 און אנהייבן דעליוועריס אין 2027. די גרויסע פראגע בלייבט יעצט צי א העליקאפטער אן קיין מענטשן דערין וועט קענען נאכמאכן די לעגענדארע סוקסעס פון די ארגינעלע בלעק האק איינמאל עס הייבט זיך אויף אין די לופטן.