עס האט זיך אפשר אנגעהויבן ווי א נארישע שפיל, אבער עס האט זיך זייער שנעל געענדיגט, נאכדעם וואס זעקס חברה זענען ארעסטירט געווארן פארן ארומפארן ביינאכט אין בארא פארק און באווארפן די גאסן מיט אייער.

'שומרים' האט באקומען אפאר קאלס וועגן א קאר מיט זעקס מענטשן אינעווייניג, וואס פארן ארום אין די געגנט פשוט כדי צו טשעפען מענטשן און זיי באווארפן.

אין איין פאל האבן זיי געווארפן אן איי גראד אין פנים פון א דורכגייער.

מען האט געמוזט אראפרופן 'הצלה' צום פלאץ כדי אים צו באהאנדלען.

ווי נאר 'שומרים' האט באקומען די פונקטליכע דעטאלן וויאזוי די קאר קוקט אויס, האבן זיי דאס אפגעזוכט און געהאלטן אן אויג דערויף א גאנצע צייט, ביז די פאליציי איז אנגעקומען.

די פאליציי איז קורצליך נאכדעם אנגעקומען און ארעסטירט אלע זעקס חברה, און אזוי ארום געמאכט א שנעלע סוף צו זייער נארישע "שפיל".