"יד להושיע" שע"י קרן ויואל משה  וועט ווידעראמאל שטיין פארנט פונעם לשכת הגיוס און בעז"ה ראטעווען נשמות ישראל משמד הגיוס.

אין די לעצטערע טעג האבן די הצלה מגיוס אפיסעס באשטעטיגט איבער א געפלאנטע יום גיוס פארופן דורך די מיליטער וואס האבן דאסמאל פארלאנגט הונדערטער בחורים זיך צו קומען שטעלן אינעם לשכת הגיוס קומענדיגע "זונטאג חיי שרה", וואס דאס באדייט א שרעקליכע יום שמד ווען הונדערטער בחורים באקומען א געלעגנהייט זיך ארויסצודרייען פון די שווערע יאך פון סאנקציעס און פראבלעמען מיטן זיך איבערגעבן צום צבא השמד ה"י.

די הצלה מגיוס אפיסעס זענען אין די יעצטיגע טעג איבערגעפולט מיט בחורים וואס קומען נעמען הדרכה סיי פריוואט פון די מיטארבעטער און אזױ אויך ביי די צענטראלע הדרכה שיעורים דורך די שרי ההצלה ר' בנימין טעפ יו"ר הצלה לאחים און ר' דוד גראס יו"ר יד להושיע וואו זיי ווערן אנגעגרייט וויאזוי צו באקומען זייערע ענדגילטיגע פטור אין די טאג וואס זיי ווערן גערופן צום לשכת הגיוס.

אויפן פראנט פון מלחמה ווערט געפלאנט אין די יעצטיגע טעג דורך "אירגון אחים אנחנו" א שטורמישע יום מלחמה ווען שלומי אמוני ישראל וועלן ארויסקומען אין די מאסן פארנט פונעם לשכת הגיוס מחזק צו זיין און אויסרופן פאר די בחורים וואס צאפלען און דאגה'ן פאר זייער רוחניות'דיגער עתיד אז כלל ישראל שטייט אונטער יעדן בחור וואס וויל בלייבן א איד.

לנו המלחמה ולד' הישועה