גרויסע פייער ברעכט אויס אין א בנין אין סידערהורסט

א מאסיווע פייער האט דינסטאג אויסגעבראכן אין א געביידע אין סידערהורסט, שיקנדיג שווערע וואלקענעס פון רויך אין די לופטן בעת עמערדזשענסי קרעפטן האבן זיך געאיילט צום סצענע.

ווידעאס פונעם געגנט צייגן ווי א גרויסע מאס רויך קומט ארויס פונעם בנין אויף 'סידערהורסט עוועניו', אינדערצייט וואס די לאקאלע פייער דעפארטמענט האט געארבעט אויפ'ן ארט צו באקעמפן די פלאמען.

איינוואוינער און מאטאריסטן זענען געווארן געבעטן דורך די פאליציי אויסצומיידן דעם געגנט ווילאנג די עמערדזשענסי אפעראציעס זענען אנגעגאנגען.

די אורזאך פונעם פייער, און צי עס זענען פארהאן פארוואונדעטע, איז דערווייל נאכנישט באשטעטיגט געווארן.