א וואך צוריק איז דער רבי ארויסגעקומען צום געהויבענעם סליחות מעמד צוזאמען מיט טויזנטער יוגנטליכע פון ארגון 'צהר'. עטליכע טעג צוריק האט מען אויפגעשטעלט א נייע הויכע בימה אינעם היכל כדי צו פארמיידן דאס שטיפניש ארום דעם רבי'ן די קומענדיגע הייליגע טעג.

הייט זונטאג אינדערפרי (בעפאר סליחות): האט דער רבי האט געליטן פון א הויכן פיבער און א שטארקע שוואכקייט, א דאקטער וואס איז אנגעקומען האט געראטן צו פארן אין שפיטאל פאר אונטערזוכונגען, דער רבי שליט"א איז פלוצלינג אפגעפירט געווארן צו די 'הדסה עין כרם' שפיטאל, ממש קורץ בעפאר אמירת סליחות ראשונות, וואס האט געברענגט גרויס זארג ביי טויזנטער חסידי בעלזא.

אינצווישן אין אן אנדערער חצר: כ"ק אדמו"ר מטשערנאביל שליט"א האט בעפאר אמירת סליחות געבעטן פונעם משפיע הרה"צ ר' ישראל יואל האלפערין שליט"א צו זאגן דריי קאפיטלעך תהלים אינאיינעם מיטן ציבור לרפואת אדמו"ר מוויזשניץ שליט"א

צענדליגע טויזנטער חסידים אינעם בית המדרש הגדול האבן געווארט אין אנגעצויגנקייט פאר קרוב צו פינף שעה אן קיין קלארע אינפארמאציע איבערן מצב, נאכן לאנג ווארטן האט דעם רבי'נס זון, הרה"צ רבי אהרן מרדכי רוקח שליט''א, צוגעטרעטן צום עמוד צו זאגן סליחות אין א גאר שפעטע שעה, די אפיציעלע מעלדונג פארן ציבור איז איבערגעגעבן געווארן גלייך נאך סליחות, וואו טויזענטער חסידים האבן געזאגט תהלים ברוב עם.

בחסדי שמים זענען ערנסטע חששות אפגעווארפן געווארן, אבער עס איז אנטדעקט געווארן אן אינפעקציע, די דאקטוירים האבן באשלאסן אים צו האלטן אין שפיטאל פאר באהאנדלונגען און אויפזוכט, מיט די האפענונג אז אין א טאג צוויי וועט דער רבי באפרייט ווערן אהיים מיט פרישע כוחות, כלל ישראל און דער גאנצער ציבור ווערט געבעטן ווייטער ממשיך זיין מיט חם התפילות איינצורייסן פאר רבי ישכר דוב בן מרים לרפואה שלימה במהרה בתוך שאר חולי ישראל.