מיט שווערע הערצער מעלדן מיר די פטירה פון הגה"צ רבי מרדכי אויערבאך זצ"ל אב"ד ׳אביר יעקב׳ סאדיגורא אין תל אביב, וועלכער איז דעם שבת נפטר געווארן אין עלטער פון 84 יאר. דער רב זצ"ל האט זיך די לעצטע טעג געמוטשעט מיט א שווערע לונגען אנטצינדונג און איז אפגעפירט געווארן צו די איכלוב שפיטאל, וואו ער האט משיב געווען נשמתו ליוצרו.

דער רב זצ"ל איז געבוירן צו זיין פאטער דער פוסק הדור הגאון רבי שלמה זלמן אויערבאך זצ"ל אום ג' אדר תש"ב. בהגיע לפרקו איז ער געווארן אן איידעם ביי הגאון רבי אהרן לעמבערגער זצ"ל און זיך באזעצט אין תל אביב. אויפן הוראה פון אדמור"י בית רוזין איז ער געווארן אויפגענומען אלס רב אין ביהמ"ד ׳אביר יעקב׳ סאדיגורה אין שטאט און אנגעפירט די קהילה בעוז ותעצומות פאר צענדליגער יארן.

די לוויה איז ארויסגעגאנגען פון בית מדרשו אין תל אביב מיט די באטייליגונג פון פילע אדמור"ים ורבנים און ער איז דערנאך געקומען לקבורה אויפן הר המנוחות נעבן די ציון פון אביו הגדול זצ"ל.

וכל בית ישראל יבכו את השריפה אשר שרף ה׳.