טעגליכע נייעס איבערזיכט פונעם היינטיגע טאג אויף די לאקאלע געסלעך פון די היימישע געגענטער.

בארא פארק:

א שיכור'ער דרייווער וואס האט אריינגעקראכט אין קארס פארנדיג קעגן דעם טראפיק אויף די 51'טע גאס, איז ארעסטירט געווארן דורך פאליציי מיט די הילף פון בארא פארק שומרים.

די פייערלעשער האבן דאנערשטאג ביינאכט שנעל קאנטראלירט אן עלעקטרישן פייער אינעם קעלער פון רובאשקין'ס פלייש געשעפט אויף 14'טע עוועניו.

דריי מאפעד גנבים זענען ארעסטירט געווארן דורך די פאליציי נאך א פוס געיעג, אדאנק א בארא פארק 'שמירה' וואלונטיר וואס האט זיי באמערקט.

דער ווינקל פון 48'סטע גאס און ניו יוטריק עוועניו איז אינגאנצן פארפלייצט געווארן מיט וואסער נאך א שווערן שלאקס רעגן איבער בארא פארק.

וויליאמסבורג:

ספענסער סטריט צווישן מוירטל און ווילאבי עוועניוס איז פארמאכט פאר טראפיק, ביטע נוצט אנדערע וועגן.

סקילמאן סטריט צווישן מוירטל און פארק עוועניוס איז אפגעשפארט, פליסליכע טראפיק זאל נוצן אנדערע רוטס.

די טראפיק לאמפן ביים ווינקל פון מוירטל און סקילמאן סטריטס ארבעטן נישט, די וואס דרייווען ווערן געבעטן צו פארן מיט עקסטער פארזיכטיגקייט.