וואשינגטאן - איינס פון די הויכראנגיקע פארשער אינערהאלב די ׳אפען-עי-איי׳ פירמע האט געשריבן אויף די 'עקס' פלאטפארמע עפעס וואס האט איבערגעלאזט פילע פון זיינע נאכפאלגער מיט אפענע מיילער, אז ער האט אנגעהויבן צו לערנען גמרא. די רעדע איז פון דיען באל וועלכער דינט אלס הויפט פון סטראטעגיע אינאוואציעס און האט ביז נישט צו לאנג צוריק געארבעט אין די טראמפ אדמיניסטראציע. 

ער האט געשריבן אז יעדער פראפעסיאנאל וואס געבט זיך אפ מיט די פאליסיס פון עי-איי, קומט עווענטועל אן צו א פונקט ווי ער זעט איין אז ער מוז זיך נעמען שטודירן גמרא כדי צו קענען מאכן ווייטערדיגע פארשריט, און ביי אים פערזענליך איז דער דאזיגער מאמענט אנגעקומען פונקט די וואך. די פאוסט איז געזען געווארן דורך איבער א דריי פערטל מיליאן מענטשן. 

פילע האבן רעאגירט פאזיטיוו אבער טייל האבן געהאט נעגאטיווע באמערקונגען. אין א נאכפאלגענדע פאוסט האט ער געשריבן אז די פלאטפארמע פארמאגט מער אנטיסעמיטישע באנוצער ווי ער האט געמיינט ביז איצט.

קרעדיט: דזשעי די מידיע