די ראקלאנד קאונטי 'דיסטריקט אטוירני' אפיס האט זיך צוזאמענגעשטעלט מיט די “פיפעל טו פיפעל” ארגאניזאציע כדי ארויסצוהעלפן ארטיגע קינדער זיך אנצוגרייטן צום קומענדיגן שולע יאר.

די ארבעטער פונעם אפיס האבן אליין צוזאמענגעווארפן געלט און באשטייערט א שיינע צאל סקול בעגס און אלע אנדערע 'סופלייס' פאר די סקול קינדער.

אין די מתנות זענען אריינגערעכנט געווארן רענצלעך, נאוטבוקס, פענסילס, גלו סטיקס און אנדערע וויכטיגע זאכן וואס יעדעס קינד דארף האבן פאר זיין קלאס.

דער ציל איז פשוט צו מאכן זיכער אז אלע קינדער האבן פונקטליך וואס זיי דארפן ווען זיי גייען צוריק אין סקול.

די שיינע פראיעקט איז געמאכט געווארן אראפצונעמען אביסל פונעם פינאנציעלן דרוק וואס משפחות האבן ביים איינקויפן פארן נייעם זמן, און גלייכצייטיג העלפן די סטודענטן אנהייבן דאס נייע יאר רואיג און פולשטענדיג צוגעגרייט צום לערנען.