דראון ווידיאו שאקירט בולגאריע: צענדליגע קארס צעקוועטשט אין א טויטליכן מאסן עקסידענט אויפ'ן הייוועי
גאלערי
ווידעאס
בס"ד
שוידערליכע טראגעדיע אין בולגאריע: 12 אומגעקומען און צענדליגע פארוואונדעט אין א מאסיווע קייט-רעאקציע קראך פון 86 קארס אויפ'ן הייוועי
דראון בילדער און ווידעאוס פונעם 'טראקיע מאטאר-וועי' אין בולגאריע צייגן דעם פולן, שוידערליכן פארנעם פון איינע פון די טויטליכסטע הייוועי קאטאסטראפעס אינעם לאנד.
דינסטאג אינדערפרי, נאוועמבער 10, ארום 7 אזייגער, האבן פאסירט צוויי מאסיווע קייט-רעאקציע קראכן (טשעין-ריעקשאן) אויף ביידע זייטן פונעם הייוועי נעבן די זימניצע אינטערסעקשאן, וואס האט אריינגעצויגן צענדליגע קארס און טראקס. אפיציעלע באאמטע געבן איבער אז אזוי פיל ווי 86 פאמיטלען זענען געווען פארמישט אינעם עקסידענט. די בילדער פונעם ארט צייגן א כאאס פון צעשמעטערטע, איבערגעדרייטע און פארברענטע קארס אנגעלייגט איינער אויפ'ן צווייטן איבערן גאנצן הייוועי, וואס פארבינדט די הויפטשטאט סאפיע מיטן פארט שטאט בורגאס.
אמווייניגסטנס 12 מענטשן זענען אומגעקומען און ארום 50 זענען פארוואונדעט געווארן, אריינגערעכנט עטלעכע וואס קעמפן פאר זייער לעבן אין שפיטאל. דער פרעמיער מיניסטער רומען ראדעוו האט דערקלערט מיטוואך, נאוועמבער 11, אלס א נאציאנאלע טאג פון טרויער.
די אויטאריטעטן גלייבן אז א שווערע נעפל איז געווען די הויפט אורזאך פונעם קראך, וואס האט רעדוצירט די זעעוודיגקייט צו קוים 70 ביז 80 מעטער אויף די נאסע וועגן, בעת אסאך דרייווערס זענען נאך אלס געפארן מיט א הויכע ספיד וואס איז נישט געווען סעיף פאר די אומשטענדן.
רעטונגס אגענטורן, אמבולאנסן און מיליטערישע עירקראפט זענען אראפגעשיקט געווארן צום סצענע. דער גאנצער הייוועי איז פארמאכט געווארן אין ביידע ריכטונגען בשעת עמערדזשענסי קרעפטן האבן געארבעט אויפ'ן ארט. די פארוואונדעטע זענען אפגעפירט געווארן צו לאקאלע שפיטעלער אין די שטעט סליווען, יאמבאל און בורגאס. די צאל טויטע האט זיך עטלעכע מאל געטוישט דורכאויס דעם טאג ווי נאר אפיציעלע ציפערן זענען אפדעיטעד געווארן.
בולגאריע'ס ראודס זענען שוין פון לאנג באקאנט אלס צווישן די מערסט געפארפולע אין די יוראפיען יוניאן (EU). די יעצטיגע קאטאסטראפע האט געפירט דערצו אז פאליטישע פארטייען זאלן פאדערן א פולע און דורכזיכטיגע אויספארשונג. אסאך בירגער פרעגן יעצט צי מען וואלט געקענט פארמיידן אזא טראגעדיע דורך בעסערע ווארענונגען, ספיד קאנטראלס אדער אנדערע זיכערהייט מיטלען אויפ'ן ראוד.