בס"ד

הגאון הגדול ר' נפתלי נוסבוים שליט"א ביים יארצייט טיש בחצר הקודש סאדיגורא

הגאון הגדול ר' נפתלי נוסבוים שליט"א, ראש ישיבת חיי משה און פון די פראמינענטע פוסקים אין ירושלים, האט זיך אנגעזען ביים יארצייט טיש וואס איז אפגעראכטן געווארן דורך כ"ק אדמו"ר מסאדיגורא שליט"א, לעילוי נשמת די פריערדיגע אדמורי"ם לבית סאדיגורא.

אויף בילדער און ווידעאוס פונעם מעמד קען מען זען ווי דער גאון זיצט אויבן אן ביי די רעכטע האנט פונעם סאדיגורא רבי'ן. דורכאויס דעם טיש האט ר' נפתלי געטרינקען לחיים און אנגעוואונטשן פארן רבי'ן, צו די פרייד פון די פילע חסידים וואס האבן מיטגעהאלטן דעם שיינעם מאמענט.

עס איז באקאנט אז ר' נפתלי נוסבוים האט א נאנטע און לאנגיעריגע קשר מיט חצר הקודש סאדיגורא. ער האט שוין אין די פארגאנגענהייט זיך באטייליגט ביי פארשידענע שמחות בחצר הקודש, אריינגערעכנט ביי די בר מצוה פון א זון פונעם רבי'ן אין ירושלים, וואו ער איז געווען צווישן די חשוב'ע רבנים אויבן אן.

דערצו איז דער גאון געווען פון די הויפט דיינים וועלכע זענען געווען אריינגעמישט אין די דיונים ארום די הנהגה פון די סאדיגורא חצר, נאך די הסתלקות פונעם פריערדיגן רבי'ן, כ"ק אדמו"ר בעל עטרת ישראל מסאדיגורא זצ"ל, אין יאר תש"פ.