דראמאטישע באדי-קעם ווידיאו: פאליציאנטן ראטעווען ארויס א פארכאפטן דרייווער פון א ברענענדיגע קאר אין בלויז 60 סעקונדעס
גאלערי
ווידעאס
בס"ד
דראמאטישע ווידעא: פאליציי אפיצירן ראטעווען א פארכאפטן דרייווער פון א ברענענדיגע קאר אין ווייניגער ווי 60 סעקונדעס
די פאליציי דעפארטמענט אין האלברוק, מאסאטשוסעטס, האט ארויסגעגעבן א דראמאטישע 'באדי-קעם' ווידעא וואס צייגט דעם אנגעצויגענעם מאמענט ווי פאליציי אפיצירן שלעפן ארויס א דרייווער פון א ברענענדיגע דזשיפ.
דער אינצידענט האט זיך אפגעשפילט זונטאג פארטאגס ארום 3:20, ווען אפיציר דזשאנאטאן אברייען איז אנגעקומען אלס דער ערשטער אויף פיין סטריט. ביים אנקומען האט אים אפגעווארט א שרעקליכע סצענע: אן עלעקטריק פאול איז געווען אינגאנצן צעבראכן אין האלב, ווייערס האבן געהאנגען איבער די גאס, און א ריזיגע פייער האט געפלאקערט פארנט פון א הויז. ארומיגע האבן אים געשריגן אז דער דרייווער איז נאך אלץ פארכאפט אינעווייניג.
דער אפיציר האט געטראפן דעם 37-יעריגן מאן מיט איין פוס אינדרויסן פונעם צעשמעטערטן קאר, אבער זיין רעכטע פוס איז געווען פארקלעמט אונטער די צעבראכענע דעשבאורד. זיין פוס און שיך האבן שוין געהאלטן אינמיטן ברענען, און דער מאן האט געשריגן צום אפיציר אז ער קען זיך נישט רירן און עס ווערט אים הייס.
אינאיינעם מיט סארדזשענט מארטין פעהערטי און אפיציר מעטיו ריטשארדס, האבן זיי מיט געמיינשאפטליכע כוחות באוויזן צו באפרייען דעם מאן'ס פוס און אים אוועקשלעפן אין א זיכערע ארט. לויט די פאליציי, האט די גאנצע רעטונג אקציע געדויערט ווייניגער ווי איין מינוט פון ווען זיי זענען אנגעקומען אויפן סצענע.
דער דרייווער איז באהאנדלט געווארן אויפן ארט און אפגעפירט געווארן אין א לאקאלן שפיטאל מיט וואונדן וואס זענען ברוך השם נישט קיין לעבנס-געפאר. אפיציר אברייען האט געליטן פון לייכטע וואונדן און אפגעבריטע פינגערס. דער ארטיגער פאליציי טשיף, דעיוויד דעל פאפא, האט אויסגעלויבט די אפיצירן זאגנדיג אז זיי האבן געארבעט אונטער גאר געפארפולע אומשטענדן, און זייער שנעלע רעאקציע האט ווארשיינליך געראטעוועט דעם מאן'ס לעבן.
די פאליציי גלייבט אז דער דרייווער, וועמענס נאמען איז דערווייל נישט פובליצירט געווארן, איז געווען אונטער די איינפלוס פון אלקאהאל. ער האט פארלוירן קאנטראל, אריינגעקראכט אין אן עלעקטריק פאול און א בוים, און דערנאך אריינגעשמעטערט אין א וואנט ביי א הויז אויף 206 פיין סטריט, איבערלאזנדיג שאדנס פאר עטליכע אנדערע פראפערטיס. מען ערווארט אז ער וועט אנגעקלאגט ווערן מיט עטליכע קלאגעס, אריינגערעכנט דרייוון אונטער אלקאהאל פאר א צווייטע מאל, נאכגעלאזטע דרייוון, און ספידינג. זיין נאמען ווערט דערווייל געהאלטן אין געהיים ביז די געריכט וועט ארויסגעבן אן אפיציעלע קרימינאלע קלאגע.
דראמאטישע ווידעא: פאליציי אפיצירן ראטעווען א פארכאפטן דרייווער פון א ברענענדיגע קאר אין ווייניגער ווי 60 סעקונדעס
די פאליציי דעפארטמענט אין האלברוק, מאסאטשוסעטס, האט ארויסגעגעבן א דראמאטישע 'באדי-קעם' ווידעא וואס צייגט דעם אנגעצויגענעם מאמענט ווי פאליציי אפיצירן שלעפן ארויס א דרייווער פון א ברענענדיגע דזשיפ.
דער אינצידענט האט זיך אפגעשפילט זונטאג פארטאגס ארום 3:20, ווען אפיציר דזשאנאטאן אברייען איז אנגעקומען אלס דער ערשטער אויף פיין סטריט. ביים אנקומען האט אים אפגעווארט א שרעקליכע סצענע: אן עלעקטריק פאול איז געווען אינגאנצן צעבראכן אין האלב, ווייערס האבן געהאנגען איבער די גאס, און א ריזיגע פייער האט געפלאקערט פארנט פון א הויז. ארומיגע האבן אים געשריגן אז דער דרייווער איז נאך אלץ פארכאפט אינעווייניג.
דער אפיציר האט געטראפן דעם 37-יעריגן מאן מיט איין פוס אינדרויסן פונעם צעשמעטערטן קאר, אבער זיין רעכטע פוס איז געווען פארקלעמט אונטער די צעבראכענע דעשבאורד. זיין פוס און שיך האבן שוין געהאלטן אינמיטן ברענען, און דער מאן האט געשריגן צום אפיציר אז ער קען זיך נישט רירן און עס ווערט אים הייס.
אינאיינעם מיט סארדזשענט מארטין פעהערטי און אפיציר מעטיו ריטשארדס, האבן זיי מיט געמיינשאפטליכע כוחות באוויזן צו באפרייען דעם מאן'ס פוס און אים אוועקשלעפן אין א זיכערע ארט. לויט די פאליציי, האט די גאנצע רעטונג אקציע געדויערט ווייניגער ווי איין מינוט פון ווען זיי זענען אנגעקומען אויפן סצענע.
דער דרייווער איז באהאנדלט געווארן אויפן ארט און אפגעפירט געווארן אין א לאקאלן שפיטאל מיט וואונדן וואס זענען ברוך השם נישט קיין לעבנס-געפאר. אפיציר אברייען האט געליטן פון לייכטע וואונדן און אפגעבריטע פינגערס. דער ארטיגער פאליציי טשיף, דעיוויד דעל פאפא, האט אויסגעלויבט די אפיצירן זאגנדיג אז זיי האבן געארבעט אונטער גאר געפארפולע אומשטענדן, און זייער שנעלע רעאקציע האט ווארשיינליך געראטעוועט דעם מאן'ס לעבן.
די פאליציי גלייבט אז דער דרייווער, וועמענס נאמען איז דערווייל נישט פובליצירט געווארן, איז געווען אונטער די איינפלוס פון אלקאהאל. ער האט פארלוירן קאנטראל, אריינגעקראכט אין אן עלעקטריק פאול און א בוים, און דערנאך אריינגעשמעטערט אין א וואנט ביי א הויז אויף 206 פיין סטריט, איבערלאזנדיג שאדנס פאר עטליכע אנדערע פראפערטיס. מען ערווארט אז ער וועט אנגעקלאגט ווערן מיט עטליכע קלאגעס, אריינגערעכנט דרייוון אונטער אלקאהאל פאר א צווייטע מאל, נאכגעלאזטע דרייוון, און ספידינג. זיין נאמען ווערט דערווייל געהאלטן אין געהיים ביז די געריכט וועט ארויסגעבן אן אפיציעלע קרימינאלע קלאגע.