לָלֶכֶת בִּדְרָכָיו לִשְׁמֹר חֻקֹּתָיו מִצְוֹתָיו כַּכָּתוּב בְּתוֹרַת מֹשֶׁה:

ריזיגער תועלת'פולער "מעמד הילולא" ברענגט צונויף טויזנטער שוחרי תורת מרן החתם סופר זי”ע ביי ערשטמאליגער יארצייט סעודה להמשכת אור תורתו של רשכבה”ג זצ”ל

פארגעקומען דעם אסרו חג סוכות תשפ"ז אין די “עטרת גאלדא” און די "ליפשיץ" זאלן אין ב”פ בהתאסף ראשי עם יחד שבטי יוצאי אונגארן תלמידי מרן החתם סופר זצ"ל

ריזיגער “יריד ספרי החת”ס” במשך הסעודה ציט א שטראם העכער יעדע ערווארטאונג, וועט שוערע טויזנטער ספרי מרן זצ”ל ווערן אויסגעקויפט, צוגעשטעלט לתועלת הציבור פאר גאר ביליגע קאסט פרייזן

מעמד אנגעהויבן מיט תפילת ערבית ברוב עם, שליח ציבור איז געווען הגה"צ ר' זלמן סופר שליט"א אב"ד ערלוי, בן אחר בן לרבינו בעל ההילולא זי"ע

ידען ומספר בתולדות גדולי הדורות הר”ר אהרן הערש פריינד שליט"א הערליך אנגעפירט די נאכט אלס “יושב ראש” – רייכע ווערטער בעבודת בעל ההילולא איבערגעגעבן דורך פרי עץ חיים נכדי מרן, הגה"צ ר' בן ציון הכהן שטראססער שליט"א אב"ד תורת חמד נייטרא, און הגה"צ ר' עקיבא לודמיר שליט"א אב"ד חשב סופר פרעשבורג – תורות ועובדות מתורת רבינו זי"ע געהערט דורך הגה"צ ר' צבי היילפרין שליט"א דומ"ץ קהל עדת יראים וויען, און הגה"צ ר' צבי אלימלך טייטלבוים שליט"א רב ביהמ"ד תפלה למשה סאטמאר

מגיד מישרים הג"ר יוסף חיים גרינוואלד שליט"א האט מלהיב געווען לבבות בגודל קדושת בעל ההילולא – “סיום הש”ס” רבתי אפגעראכטן געווארן, מיט'ן הדרן פארגעזאגט דורך הגה"צ ר' דוד ארי’ עהרנפעלד שליט"א אב"ד מאטערסדארף, און דאן א קדיש דרבנן דורך הגה"צ ר' שלמה צבי שטערן שליט"א אב"ד דעברעצין

מעמד התחלת כתיבת ספר תורה ע"י הרבנים הגאונים והצדיקים שליט"א, אינעם ס"ת וואס וועט געשריבן און אריינגעגעבן ווערן אי”ה לביתו נאוה קודש פון מרן בעל ההילולא זצ"ל בעיר דרעזניץ