בס"ד

פאראגוויי: פרעזידענט רעזיגנירט נאך מאסיווע באנק קראך און שווערע פראטעסטן

דער פרעזידענט פון פאראגוויי, סאנטיאגא פעניא, האט רעזיגנירט פון זיין אמט דעם 5'טן נאוועמבער, נאכדעם וואס די גרויסע 'אוענא באנק' (Ueno Bank) איז צוזאמגעפאלן, איבערלאזנדיג מיליאנען קאסטומערס אן קיין צוטריט צו זייערע געלטער.

דער שווערער באנק קריזיס האט געפירט צו מאסיווע פראטעסטן איבער'ן לאנד און קלאגעס איבער פינאנציעלע קארופציע. די לאקאלע אויטאריטעטן האבן ארעסטירט אכט הויכראנגיקע באמטע פון די באנק, בעת די אויספארשונגען גייען אן אין פולן שוואונג.

פרעזידענט פעניא האט געלייקנט אז ער זאל האבן געטאן עפעס אומלעגאל, אבער ער האט קלארגעשטעלט אז ער טרעט אפ פון זיין אמט כדי צו באשיצן די סטאביליטעט פונעם לאנד.

קורץ נאך זיין מעלדונג, האט די אונטערשטע הויז אין פאראגוויי געשטימט מיט אן איבערגעוויכט פון 78 קעגן 0 אים צו אימפיטשן. עס ווערט ערווארטעט אז דער וויצע פרעזידענט, פעדרא אליאנא, וועט איבערנעמען דעם פרעזידענט בענקל.

דאס לאנד שטייט יעצט פאר א פאליטישע אומקלארקייט, אין די צייט וואס די רעגירונג ארבעט שווער צו לעזן דעם באנק קריזיס און באשיצן די געלטער פון די דעפאזיטארס.