אונטערערדישע בוי ארבעט: סעטעלייט בילדער צייגן א פארדעכטיגטע איראנער ראקעט באזע וואס ווערט געבויט טיף אין א בארג
גאלערי
ווידעאס
סעטעלייט בילדער אנטפלעקן א מיסטעריעזע גראבונג נעבן איספאהאן, איראן
נייע סעטעלייט בילדער האבן אנטפלעקט א מיסטעריעזע גראבונג פראדזשעקט נעבן איספאהאן, איראן, און קיינער אינדרויסן פונעם לאנד קען נישט זאגן אויף זיכער וואס דאס איז. דער אנאליסט סעם לעיר, וועלכער האט איבערגעקוקט טעגליכע 3-מעטער 'פלענעט לעבס' בילדער, שאצט אז די ארבעט וואס מען זעט דארט האט זיך אנגעהויבן אין יאנואר 2026.
ביז נאוועמבער דעם 17'טן האבן די בילדער געוויזן פינף קלארע טונעל אריינגענג, הויפנס פון אויסגעגראבענע שטיינער און ערד, נייע צוטריט וועגן, און ערטער צו שטיצן די קאנסטראקשן ארבעט. די בילדער צייגן אויך אז די ארבעט האט זיך אפגעשטעלט ביי צוויי פריערדיגע גראבונג פונקטן, בעת עס איז ווייטער אנגעגאנגען אין אנדערע טיילן פונעם סייט. לעיר האלט אז עס איז זייער מעגליך אז דאס איז א מיסיל באזע פאר די איראנער רעוואלוציאנערע גווארדיע (IRGC), צוליב די ענליכקייטן צו אנדערע באקאנטע איראנער סייטס, אבער די טיפקייט פון די טונעלן און ווי אזוי זיי זענען אויסגעשטעלט אינעווייניג בלייבט דערווייל אומבאקאנט.
די הויפט פראגע וואס ציט די מערסטע אויפמערקזאמקייט איז צי דאס האט א שייכות מיט זייער נוקלעארע פראגראם, אבער די באווייזן צייגן ענדערש פארקערט. איראן'ס אייגענע דאקומענטן וואס זיי האבן איבערגעגעבן פאר די 'איי-עי-אי-עי' (IAEA) אין 2025, רעקארדירט אין רעפארט GOV/2025/50, האט דעקלערט די 'איספאהאן פיול ענריטשמענט פלענט' ביים סייט פון די 'נוקלעאר רעאקטארס פיול קאמפאני' דעם 12'טן יוני 2025. אבער לויט די רעקארדס פון די אי-יו (EU) געפינט זיך יענע קאמפאני'ס קאמפלעקס אינדרויסן פון איספאהאן אין א גאר אנדערע געגנט ווי די יעצטיגע גראבונגען, וואס עקספערטן שאצן איז בערך 50 קילאמעטער צפון פון די שטאט.
דאך, לויט א באריכט פון רויטערס, האט די IAEA נאך אלס נישט געהאט קיין באשטעטיגטע פונקטליכע לאקאציע אדער צוטריט צו די דעקלערטע פלענט ביז נאוועמבער דעם 13'טן 2026. לעיר זאגט אז פערמאנענטע געביידעס ווי מיסיל טעסטונג בנינים און גאראדזשן וואלטן שטארק געשטיצט די טעאריע אז דאס איז א מיסיל באזע, דעריבער וועט מען ווארשיינליך נאר קענען וויסן דעם אמת'ן ענטפער איינמאל די קאנסטראקשן וועט זיך ענדיגן.