פון די NBA צו תורה: האל אוו פעים שפילער אמארי סטאדאמייער זאגט א דבר תורה
גאלערי
ווידעאס
געוועזענער באסקעטבאל סופערסטאר 'אמארי סטאדעמייער' טיילט מיט א דבר תורה קורצליך נאכן ערהאלטן העכסטע ספארטס אויסצייכענונג
בלויז עטליכע וואכן נאכדעם וואס ער איז אריינגענומען געווארן אינעם פרעסטיזשפולן "באסקעטבאל האל אף פעים", האט דער געוועזענער NBA שטערן, אמארי סטאדעמייער, מיטגעטיילט א דבר תורה וואו ער שמועסט ארום איבער די אחריות פון א מענטש צו לעבן לויט די תורה און איבערגעבן אירע לערנונגען פאר אנדערע.
סטאדעמייער, וועלכער איז אדורך אן אויסטערלישע רייזע פון זיין א וועלט-בארימטער ספארטס שפילער ביזן פירן אן ארטאדאקסישן אידישן לעבנסשטייגער, האט ארויסגעברענגט די חשיבות פון לערנען תורה און מקרב זיין אנדערע.
דער געוועזענער שפילער פאר די 'פיניקס סאנס' איז דעם פארגאנגענעם אוגוסט אריינגענומען געווארן אינעם "נעיסמיט באסקעטבאל האל אף פעים", וואס איז די העכסטע פערזענליכע אויסצייכענונג אין די באסקעטבאל וועלט, נאך א רייכע קאריערע וואס האט אריינגערעכנט דאס ווערן אויסגעקליבן זעקס מאל אלס אן "אלל-סטאר" שפילער.
סטאדעמייער רעדט שוין יארן לאנג אפן איבער זיין קביעות אין לימוד התורה און שמירת המצוות. ער האט זיך אפיציעל מגייר געווען כהלכה אין יאר 2020 נאכן שטודירן אידישקייט פאר א לאנגע צייט, אריינגערעכנט אין די יארן וואס ער האט געשפילט פראפעסיאנאל אין ארץ ישראל.
זיין לעצטיגע מעסעדזש גיט נאך א בליק אריין אין דעם דראמאטיש-אנדערן קאפיטל אין לעבן וואס דער ניי-געקרוינטער 'האל אף פעימער' האט ארומגענומען, ווייט אוועק פון די באסקעטבאל קאורטס.