שָׁם בָּנִי״תָ הוֹדְךָ וַהֲדָרֶךָ!!!

פרעכטיגע פלענער פון אַ גיגאַנטישער פיר-שטאָקיגער בית גדול לה׳ זאגן פאר אַ נייעם לעכטיגן מציאות פאר תושבי שכונת ״קאַרלסבורג״ און ״עצי תמרים״ אין קרית יואל רבתי עם

פּערמיטן ערהאַלטן: פרייטאָג בהר 5:00 מיטאָג!

אַרבעט אָנגעהויבן: מאָנטאָג בחוקותי 9:00 אינדערפרי!

אומגעהויערע פרייד ביי אנ״ש צו פריידיגע אַנטוויקלונג נאָכ׳ן דורכגיין פאַרצויגענע העכער 3 יאָר שווערע ביוראָקראַטישע פראצעדורן אינערהאַלב די ״טאון אוו מאנראו״ זאונינג באָורד און בילדינג דעפּארטמענט

בנין וועט אַנטהאַלטן מלכות׳דיגער היכל ביהמ״ד הגדול פון העכער 5,000 סקווער-פיס, 4 פּראַכטפולע ״מנינים בתי מדרשים״ אויף ״גראַונד לעוועל״; מאַיעסטעטישע מקוה מפוארה מיט 3 בורות טבילה און אַלע צוגעהערן

בי עשרה שכינתא שריא: פרישע בריליאַנט-שטיין וועט מלכות׳דיג אַריינגעפלאָכטן ווערן אין בליאַטשקענדער קרוין פון ממלכת סאַטמאר קרית יואל, מיט העכער אַ מנין בתי מדרשים דקהל יטב לב בעיר הגדולה לאלקים רבתי עם, תחת נשיאות קדשו של כ"ק מרן רבינו שליט"א, בראשות הגה"צ אבד"ק ור"מ שליט"א, לשם ולתפארת פון תלמידי וחסידי סאַטמאַר בכל קצוי תבל!

הוא הגבר מקים עול — לעמוד על משמרת הקודש:

ענערגישער יושב ראש ועד קרן הבנין ״להקים״ בונה ומקים הר"ר יצחק אייזיק וואלטער הי”ו, רוח החיים פון ביהמ"ד בית יעקב נחמי’ פונעם אָפּקויפן דעם שטח ועד היום הזה, שטייט אין שפּיץ פון דעם מעכטיגן בוי-פּראָיעקט אינאיינעם מיט העלדישע חברי הנהלת הקהלה

לנצח על מלאכת בית ה׳:

פּרעסטיזשפולער ״ברייט-וויו” קאָנסטרוקציע פירמע, וועלכע שטייט אונטער צענדליגער סוקסעספולע געביידעס, אונטער פירערשאַפט פון ר׳ אייזיק הי״ו, טוט פאַרפיגן אויף מאסיווער בוי-אונטערנעמונג איינגעשפּאַנט אין אַ בליציגער אַרבעטס-גאַלאָפּ בעזר ה׳