די פראנצויזישע רעגירונג האט געליטן א שווערע מפלה, נאכדעם וואס דאס העכסטע געריכט אין לאנד האט אפגעווארפן דעם פלאנירטן געזעץ צו פארבאטן סאשעל מידיא פאר קינדער אונטער 15 יאר אלט.

די רעגירונג האט געוואלט איינפירן דעם פארבאט כדי צו באשיצן יוגנטליכע פון נפשיות'דיגע פראבלעמען, ווי אויך אפהאלטן טעכנאלאגיע פירמעס פון זאמלען פריוואטע אינפארמאציע אויף קינדער. אבער די ריכטער האבן קלאר געפסק'ענט אז דער פארבאט איז צו שארף און פארלעצט די פונדאמענטאלע בירגערליכע פרייהייטן און די רעכט צו באקומען אינפארמאציע.

יעצט, נאך דעם גרויסן נצחון פאר די טעכנאלאגיע פירמעס, זענען די פראנצויזישע געזעצגעבער געצוואונגען צו זוכן אנדערע אלטערנאטיווע וועגן צו באשיצן קינדער אויפן אינטערנעט אן צו פארלעצן די קאנסטיטוציע.