האדמו"ר מדאבשינא

אויב איינער ווייסט פון א ליידיגע דירה אין איינע פון די היימישע שטעט אין ניו יארק זאל זיך לאזן הערן, ווי עס זעט אויס זוכט טיילער אליווערא צו ווערן א טייל פון די קאמיוניטי, אדער אפשר גאר זיך גענצליך מגייר צו זיין. פון קראון הייטס ביז שיכון סקווירא, פון לעיקוואד קיין בארא פארק, און היינט צוריק אין וויליאמסבורג, ווערט ער געזען ארומלויפן ווי א פאר‘סמ‘טע מייז.

די OU הכשר האט אויפגענומען א נייע עקזעקיוטיוו וויצע פרעזידענט הרב שמואל זילבער אב"ד תורת חיים אין באלטימאר, נאך די פטירה לעצטע יאר פון הרב משה האוער ז"ל.

תומכי שבת ד‘לעיקוואד האט געעפענט א פרישע ריזן ווערהאוז, נדבת הנגיד ר‘ מאיר פישל.

געסט ביי די חתונה פון דער פאפולערע איזראעלישער זינגער עומר אדם אין איטאליע האבן נישט געגלייבט זייערע אויגן זעענדיג ווי די חתונה איז אפגעטיילט מיט מחיצות צווישן מענער און פרויען. ווי עס שטעלט זיך ארויס האט עומר שטארק געוואלט אז דער בעל מנגן ר‘ מאטי שטיינמעץ זאל זינגן ביי די חתונה, אבער מאטי האט קלארגעשטעלט אז ער גייט בשו"א נישט זינגן ביי א אויסגעמישטע חתונה, וועלכע האט צוגעפירט אז עומר זאל מאכן א אפגעטיילטע חתונה.

געסט ביי די חתונה פון דער פאפולערע איזראעלישער זינגער עומר אדם אין איטאליע האבן נישט געגלייבט זייערע אויגן זעענדיג ווי די חתונה איז אפגעטיילט מיט מחיצות צווישן מענער און פרויען. ווי עס שטעלט זיך ארויס האט עומר שטארק געוואלט אז דער בעל מנגן ר‘ מאטי שטיינמעץ זאל זינגן ביי די חתונה, אבער מאטי האט קלארגעשטעלט אז ער גייט בשו"א נישט זינגן ביי א אויסגעמישטע חתונה, וועלכע האט צוגעפירט אז עומר זאל מאכן א אפגעטיילטע חתונה.

האדמו"ר מגאלאנטא וועלכער האט געוויילט בקרב חסידיו אין ארץ ישראל קומט היינט צוריק אן קיין ני יארק. אויפן בילד: דער רבי פראוועט שלש סעודות בבית מדרשו אין ירושלים.

האדמו"ר מפשעווארסק האט געשיקט נעכטן מיט א אייניקל א קוויטל צו האדמו"ר מגור לקראת די ימים הנוראים.

חדר פירן פאר א אור-אייניקל פון האדמו"ר מבעלזא, בן ר‘ אברהם סאפרין.

האדמו"ר מביאלא ב"ב לערנט אין שטאט פשיסחא אויף א טיש ביים עק ביהמ"ד.

כ"ק האד' מקרעטשניף כפר עטה איז נעכטן נאכט געזען געווארן אינעם בן גוריון לופטפעלד אין ארץ ישראל, אויפן וועג קיין ניו יארק פאר א ספעציעלע נסיעה אויפצונעמען די חסידים און מקורבים פאר עצה וברכה לקראת די מים הנוראים הבעלל"ט, צוליב די רויז אינפעקציע וואס דער רבי האט אויף די פוס, איז די רבי באגלייט געווארן מיט א פריוואטן דאקטאר

צוליב שמירת עינים איז אויפגעשטעלט געווארן א גענצליכער עירפארט אפעראציע, מיט טשעק-אין און סעקיורטי פאספארט סקרינינג, פארנט פון ביהמ"ד הגדול וויזניץ אין מאנסי, אין בעפארברייטונג צום נסיעה קיין ארץ ישראל. ביים אנקומען אין עירפארט וועלן די חסידים קענען גיין גלייך צום ערעפלאן. עס איז פארמעגליכט געווארן צוליב וואס די חסידות האט געדינגן צוויי טשארטער ערעפלאנען, וועלכע ווערן אפערירט פריוואט אן די טי-עס-עי אריינמישונג.

די ‘עדה‘ רופט דעם ציבור ארויסצוגיין מוחה זיין ביים לשכת הגיוס דעם קומענדיגן זונטאג.

עס איז פארקומען די צווייטע טייל ‘חלוקת הירושה‘ פון בעל ברך משה מסאטמאר זצ"ל, ווי עס וועט צוטיילט ווערן די זילבער אויף די זעלבע סדר פון גורלות ווי לעצטע מאל, בהשתתפות נכדי וגבאי הברך משה זצ"ל.

אין א פריידיגע בשורה פאר אחב"י וועלכע ליגן ליידער על ערש דוי האט די עף-די-עי היינט באשטעטיגט א מעדיצין וועלכע האט געוויזן אומגלויבליכע רעזולטאטן פאר אזעלכע מיט פענקריס קענסער ל"ע, הייבנדיג די איבערלעבן ראטע פיל העכער פאר די וואס נעמען עס.

דער חרדישער עו"ד ר‘ נתן ראזענבלאט פון ארץ ישראל דערציילט אז נאך דעם חודש האט ער געקלינגן האדמו"ר מצאנז ב"פ זצ"ל - נישט וויסנדיג איבער זיין מצב - אז ער זוכט ווי צו איבערשלאפן אין וומס"ב און דער רבי האט אליין אויפגעהויבן די פאון און אים געגעבן אלע פרטים פון א דירה ווי ער קען שלאפן. הערנדיג אז דער רבי איז נפטר געווארן האט ער נישט געגלייבט וואס זיינע אויערן הערן, כאפנדיג ווי דער רבי האט געטון חסד ביזן לעצטן אטעם.

אין סאדיגורא איז געבוירן געווארן א קינד למז"ט ביים יונגסטן זון פון האדמו"ר בעל עטרת ישראל זצ"ל הרה"צ רבי שמעון מנחם נחום שליט"א, וועלכע געוויסע באטיטלן אלס האדמו"ר מסאדיגורא-ארה"ב.

גדולי רבני ברסלב האבן זיך צוזאמגענומען פאר א אסיפה מתפלל צו זיין א ספעציעלע תפילה צו קענען אנקומען קיין אומאן ראש השנה, און האבן אינאיינעם גע‘חתמ‘ט א דאנק בריוו צום אוקריינישער רעגירונג פאר זייער הילף מיט די טויזענטער חסידים וועלכע קומען צו פארן.

כאטש וואס הגרי"מ שעכטער שליט"א אליין פארט נישט, דאך האט ער מתפלל געווען מעומק לבבו הטהור פאר אלע וועלכע פלאנירן יא צו פארן.

והחוט המשול"ש: דער ‘שריפט‘ האט די וואך א אינטערוויו מיט די בעלי בתים פון מענדעלסאן‘ס פיצא מיטן קעפל ‘דריי דורות פיצא‘.

האדמו"ר מקרעטשניף סיגוט האט געגעבן א לענגערע אינטערוויו פאר די ‘העדה‘ אויסגאבע מיט זכרונות פון אביו בעל רזא דאמונה זצ"ל.

בְּכָל עֵת יִהְיוּ בְגָדֶיךָ לְבָנִים: שיין בילד פון די ברודער‘ס און שוואגער‘ס בשמחת בית קאסאן בית שמש.

אין בעלזא איז צום ערשטן מאל אין היסטאריע פארגעקומען א ספרדישער סליחות אין היכל ביהמ"ד הגדול היינט נאכט בראשות דעם רבי‘ן. עס איז געווידמעט פאר אידן מבני עדה הספרדית, און עס ווערט אנגעפירט דורך די בעלזער ארגון צהר.

יו-עס אטוירני פון די דיסטריט אוו ניו יארק האט געבעטן פון קאורט מען זאל נישט ארויסלאזן אויף בעיל דער אטאקירער פון די ‘צענטראל סינאגאגע‘ אין מאנהעטן לערי מאנטעס. לערי האט אטאקירט עטליכע באטייליגטע צוויי שבתים צוריק פרייטאג צו נאכטס.