אמעריקע קלאגט אן דריי איראן-געשטיצטע אגענטן איבער אטאקעס אויף אידישע קהילות און א פלאן קעגן א בריטישע לופט באזע
גאלערי
פעדעראלע פראקורארן קלאגן אן דריי איראנער-געשטיצטע טעראריסטן פאר'ן פלאנירן אטאקעס אויף אידישע קהילות אין אייראפע
אמעריקאנער פעדעראלע פראקורארן האבן דעם 10'טן נאוועמבער געמאלדן שווערע קלאגעס קעגן דריי איראנער-געשטיצטע אפעראטיוון, וועלכע ווערן באשולדיגט אין זיין א טייל פון א ברייטע טעראר נעצווערק וואס איז פאראנטווארטליך פאר קרוב צו 20 טעראר אטאקעס און אטאקע-פרואוון איבער גאנץ אייראפע.
לויט ווי די יוסטיץ דעפארטמענט גיט איבער, האבן די טעראר פלענער אריינגערעכנט צו צילן אידישע קהילות. ווי אויך האבן זיי געהאט א געמיינעם פלאן צו באמבארדירן די 'אר-עי-עף פערפארד' (RAF Fairford) באזע, א בריטישע מיליטערישע באזע וואס ווערט באנוצט דורך די אמעריקאנער מיליטער.
די באאמטע זאגן אז די אנגעקלאגטע זענען געווען טיף פארמישט אין קאארדינירן די אטאקעס אלס א טייל פון א פיל ברייטערע אינטערנאציאנאלע טעראר נעצווערק. די באשולדיגונגען זענען דערווייל אונטערגעווארפן צו די לעגאלע פראצעדורן אין געריכט, און די אנגעקלאגטע זענען נאכנישט געפונען געווארן שולדיג.