די ארץ ישראל׳דיגע לופטליניע ״ישראיר״ האט אפגעשטעלט דעם פארקויף פון אלע טיקעטס אויף איר רוט קיין מאראקעש, מאראקע, ביז די זיכערהייטס אנווייזונגען ווערן קלארגעשטעלט דורך די אויטאריטעטן.

די באשלוס קומט נאך דעם זיכערהייטס אינצידענט אויף א פליגער פון ״פליי דובאי״ און די נייע זיכערהייט אנווייזונגען וואס זענען ארויסגעגעבן געווארן אין דער נאכפאלג. ״ישראיר״ האט געמאלדן אז זיי ווארטן אויף ענדגילטיגע אנווייזונגען פון די באמטע, און וועט ווייטער אפערירן לויט די אנווייזונגען, מיט א פריאריטעט אויף די זיכערהייט פון די פאסאזשירן און פליגער מאנשאפט.

אין דער זעלבער צייט האט די פירמע אפגעריפן אירע פלענער צו פארברייטערן די רוט. ״ישראיר״ האט זיך געגרייט צו פארגרעסערן די צאל פליען קיין מאראקעש צו דריי מאל א וואך אין די קומענדיגע חדשים, און האט אויך געפירט פארהאנדלונגען צו דינגען אן אנדערן פליגער. די פלענער זענען דערווייל אפגעשטעלט געווארן.

לויט באריכטן אין די מדינת ישראל׳דיגע מידיא, ווערט דער 20סטער אקטאבער ערווארטעט צו זיין דער לעצטער פליגער אויף דער רוט אונטער די יעצטיגע אויסשטעל. דערווייל איז נישט קלאר ווען דער רוט וועט אריין גיין אין קראפט. פאסאזשירן מיט עקזיסטירנדע רעזערוואציעס זאלן זיך פארבינדן מיט ״ישראיר״ צו באשטעטיגן דעם סטאטוס פון זייער פליגער און די אפציעס וואס שטייען זיי צו.