די "טאון אוו קלארקסטאון" אין ראקלענד קאונטי איז אפיציעל ארויסגעשטעלט געווארן אלס דער גרויסער געווינער פון דעם פארמעסט, נאכדעם וואס אירע איינוואוינער האבן באשטייערט דאס מערסטע בלוט פון אלע שטעט אין די גאנצע קאונטי.

די מעלדונג איז ארויסגעגעבן געווארן דורך ניו יארק סטעיט סענאטאר ביל וועבער, וועלכער האט ארגאניזירט דעם קאמפיין כדי צו באזארגן די לאקאלע שפיטעלער מיט קריטישע בלוט רעזערוון און ראטעווען מענטשליכע לעבנס.

סענאטאר וועבער האט באזונדער געלויבט די איינוואוינער פון קלארקסטאון פאר זייער געטרייע איבערגעגעבנקייט און ברייטע באטייליגונג פאר דעם וויכטיגן קאמפיין.