מד"א וואלונטירן האבן באהאנדלט א פרוי וואס איז פארוואונדעט געווארן ביים בויען א סוכה - און האבן עס דערנאך געענדיגט בויען פאר איר
גאלערי
אומגעראכטענע חסד: מד"א וואלאנטירן קומען צו אן עמערדזשענסי רוף און בלייבן בויען די סוכה
נתניה — א פרוי אין די זעכציגער יארן איז פארוואונדעט געווארן אינמיטן בויען א סוכה אינדרויסן פון איר שטוב אין נתניה, וואס האט געפירט דערצו אז מגן דוד אדום וואלאנטירן זענען געלאפן צום סצענע — אבער דער רוף האט זיך געענדיגט מיט אן אומגעראכטענע ענדע.
די פרוי האט געהאלטן אינמיטן בויען די סוכה לקראת דעם קומענדיגן יום טוב סוכות, ווען א שווערע אייזערנע שטאנג איז אראפגעפאלן און איר געטראפן אין קאפ. א נאנטער פריינט פון די משפחה וואס האט איר געהאלפן בויען, האט תיכף אריינגערופן די מד"א 101 עמערדזשענסי ליניע.
די מד"א וואלאנטירן זענען אנגעקומען אין א קורצע צייט און איר געגעבן די ערשטע הילף אויפ'ן ארט. נאכ'ן אונטערזוכן די פרוי, האבן זיי באשטעטיגט אז איר צושטאנד איז סטאביל און זי ברויך נישט קיין דרינגענדע טראנספארט צו א שפיטאל.
נאכדעם וואס די מעדיצינישע עמערדזשענסי איז געווען אריבער, האבן די וואלאנטירן באמערקט אז די סוכה איז געבליבן אינמיטן די ארבעט. זיי האבן באשלאסן נישט איבערצולאזן די זאך אזוי.
די מד"א מאנשאפט איז געבליבן ביים הויז און געענדיגט בויען די סוכה, כדי די פרוי זאל קענען אנגיין מיט די הכנות צום יום טוב טראץ דעם שרעקעדיגן אינצידענט.
לויט ווי די פרוי פארציילט, ווען די וואלאנטירן האבן איר אנגעהויבן פרעגן איבער די סוכה, האט זי לכתחילה געמיינט אז זיי ווילן פשוט זען די שטאנג וואס האט איר געקלאפט. זי האט אבער שנעל איינגעזען אז זיי פרעגן ווייל זיי פלאנען אליינס צו ענדיגן די ארבעט.
די וואלאנטירן וואס זענען געווען פארמישט אין די אקציע זענען אריינגערעכנט די מד"א ערשטע-הילף טוער נחמן לוי און נתנאל פרץ, דער עלטערער EMT בן אל עמירה פון די מד"א מאטארסייקל יוניט, און אן אמבולאנס מאנשאפט אנגעפירט דורך שמואל מאמי.
וואס האט זיך אנגעהויבן ווי אן עמערדזשענסי רוף, האט זיך געענדיגט מיט א הערליכע אקט פון חסד אין די טעג בעפאר סוכות.