פאליציי ארעסטירט פרוי פון בית שמש פארמישט אין א רייע גניבות אין מודיעין עילית און ירושלים

די מדינת ישראל פאליציי האט ארעסטירט א פרוי פון בית שמש וועלכע איז פארדעכטיגט אין א רייע גניבות, אריינגערעכנט אן איינברוך אין א סעלפאן געשעפט אין מודיעין עילית און אין א קלויסטער אין ירושלים.

דורכאויס א זוכונג, האבן די פאליציי אפיצירן געפונען און קאנפיסקירט מער ווי 6,000 דאלאר אין קעש, ארום 5,000 שקל, גאלדענע צירונגען, און נאך אנדערע חפצים וואס זענען פארדעכטיגט אלס געגנבעטע סחורה.

לויט ווי די פאליציי גיט איבער, האט זיך די אויספארשונג אנגעהויבן נאך אן איינברוך אין א סעלפאן געשעפט אין מודיעין עילית דעם פארגאנגענעם 16'טן אקטאבער. די דעטעקטיוון האבן שפעטער באוויזן צו פארבינדן די פארדעכטיגטע צו נאך דריי אנדערע גניבות אין מודיעין עילית און אין ירושלים.

די ארעסט פון די פרוי איז פארלענגערט געווארן אינדערצייט וואס די פאליציי פירט ווייטער אן מיט די אויספארשונג איבער די אינצידענטן און גייט איבער די געפונענע חפצים. די אויספארשונג גייט נאך אן, און די קלאגעס קעגן די פארדעכטיגטע זענען דערווייל נאך נישט אויפגעוויזן געווארן אין געריכט.