קראון הייטס: ארגאניזירער פון חב"ד 'כינוס השלוחים' אין א זיכערהייט מיטינג מיט די פאליציי בעפארן אנקום פון איבער 6,500 שלוחים

בילד קרעדיט: איציק בעלעניצקי

מיט מער ווי 6,500 חב"ד שלוחים און אידישע פירער פון 111 לענדער וואס ווערן ערווארטעט אנצוקומען קיין קראון הייטס די וואך, האבן זיך די ארגאניזירער פונעם אינטערנאציאנאלן 'כינוס השלוחים' געטראפן מיט הויכראנגיגע פאליציי באאמטע דורכצוטון די זיכערהייט צוגרייטונגען.

הרב מענדל קאטלארסקי, דער קאארדינאטאר פונעם כינוס, האט געעפנט דעם מיטינג מיט א ברייטע איבערזיכט איבער די נויטיגע שוץ-מיטלען און זיכערהייט סטאנדארטן צו פארזיכערן אז די גרויסע צוזאמקונפט זאל אריבערגיין רואיג און סוקסעספול.

דער מיטינג, וואס איז פארגעקומען אינעם 'דזשואיש טשילדרענס מוזעאום', האט אריינגענומען פארשטייער פון די לאקאלע 71'סטע און 77'סטע פריסינקטס, ברוקלין סאוט קאמאנדירן, און די קאונטער-טעראריזם אפטיילונג פון די ניו יארקער פאליציי (NYPD).

"מיר זענען גאר דאנקבאר פאר די מיטגלידער פון די פאליציי דעפארטמענט פאר זייער אומאויפהערליכע שותפות אין פארזיכערן די זיכערהייט פון די טויזנטער שלוחים און קהילה פירער וואס קומען זיך צוזאם אין ניו יארק צום כינוס," האט הרב קאטלארסקי געזאגט. "מיר קוקן ארויס אויפצונעמען די שלוחים פון איבער דער וועלט פאר א וואך פון לערנען, התעוררות, און א באנייטע איבערגעגעבנקייט פאר די קהילות וואס זיי פירן."

פילע פון די שלוחים דינען אלס די איינציגסטע אידישע אנוועזנהייט אין זייערע שטעט אדער ראיאנען. אינאיינעם בילדן זיי א גלאבאלע נעצווערק פון שטיצע פאר אידן אומעטום, און די הדרכה און חיזוק וואס זיי נעמען מיט אהיים פונעם כינוס וועט דערגרייכן קהילות איבער דער גאנצער וועלט.