פראטעסטירער פארזאמלען זיך אויף די בר אילן גאס אין ירושלים איבער די בוי ארבעט פון די לייט-רעיל
גאלערי
ווידעאס
ירושלים – מיטוואך אויפדערנאכט, נאוועמבער 18, זענען ווידער פארגעקומען פראטעסטן אויף די באקאנטע בר אילן גאס אין ירושלים, ווען א גרויסע צאל חרדי'שע אידן האבן זיך פארזאמלט צו פראטעסטירן קעגן די אנגייענדע בוי ארבעט פונעם 'לייט רעיל' באן פראדזשעקט.
די פראטעסטירער האבן זיך צוזאמגענומען נעבן דעם בר אילן אינטערסעקשאן, וואס האט געפירט צו שווערע טראפיק און שטרורונגען אינעם פארקער. די לאקאלע פאליציי און זיכערהייט קרעפטן זענען אראפגעקומען אויפן ארט צו האלטן קאנטראל און צוריקשטעלן דעם סדר.
די יעצטיגע דעמאנסטראציע איז א טייל פון א לענגערע, אנגייענדע מערכה קעגן דאס דורכפירן די לייט רעיל שינעס דורך די היימישע חרדי'שע געגנטער. די מוחים דריקן אויס זייער זארג איבער די נעגאטיווע השפעה וואס דער גרויסער פראדזשעקט וועט ברענגען אויפן צביון פון די קאמיוניטי.
בילדער און ווידעאוס פונעם סצענע צייגן ווי גרויסע מאסן מענטשן זענען פארזאמלט לענגאויס די גאס דורכאויס די נאכט פראטעסט.