קאלאמביע's נייער פרעזידענט באזוכט די אידישע קהילה אין באראנקיליא לכבוד ראש השנה
גאלערי
ווידעאס
קאלאמביע: דער ניי-ערוויילטער פרעזידענט באזוכט ארטיגע אידישע קהילה אין שול דורכאויס יום טוב ראש השנה
דער נייער פרעזידענט פון קאלאמביע, אבעלארדא דע לא עספריעלא, האט זיך אנגעשלאסן מיט מיטגלידער פון די ארטיגע אידישע קהילה לכבוד דעם יום טוב ראש השנה, אפשטאטנדיג א ספעציעלן באזוך אין די 'בית קל' שול אין די שטאט באראנקיא.
דער פרעזידענט, וועלכער איז קוים אריינגעקומען אין אפיס פארגאנגענעם חודש, האט זיך באטייליגט ביים יום טוב'דיגן צוזאמקום אין שול און אויפגעטרויטן מיט א רעדע פאר די אנוועזנדע. אין זיינע ווערטער האט ער ארויסגעברענגט זיין שטארקע שטיצע פאר מדינת ישראל און גערעדט מיט גרויס ווארימקייט איבער דאס אידישע פאלק, ווי מען קען זען אויף ווידעא רעקארדירונגען פונעם מעמד.
די קאנפעדעראציע פון אידישע קהילות אין קאלאמביע האט שטארק באגריסט דעם פרעזידענט'ס באטייליגונג, ארויסברענגענדיג אז זיין אנוועזנהייט ביים ראש השנה צוזאמקום איז א קלארע צייכן פון נאנטקייט און פריינטשאפט צו די אידישע קהילה אינעם לאנד.
דע לא עספריעלא איז איינגעשוואוירן געווארן אלס פרעזידענט דעם 7'טן אוגוסט, נאכ'ן געווינען די פרעזידענטליכע וואלן אין קאלאמביע פריער אינעם יאר. ער הייבט יעצט אן א פיר-יעריגע טערמין וואס וועט זיך ציען ביז יאר 2030.