ש"ס פארזיצער אריה דרעי באטראכט רעזיגנאציע נאך א שווערן וואלן דורכפאל
גאלערי
בס"ד
ש"ס פארזיצער אריה דרעי באטראכט מעגליך צו רעזיגנירן נאך שווערן דורכפאל אין די וואלן
דער לאנגיעריגער ש"ס פארזיצער אריה דרעי באטראכט לויט באריכטן די מעגליכקייט צו אראפטרעטן פון זיין פאליטישע פירערשאפט, נאכדעם וואס די פארטיי האט געליטן א שווערן קלאפ אין די לעצטע כנסת וואלן אין מדינת ישראל, פאלנדיג פון 11 מאנדאטן צו בלויז זעקס.
לויט באריכטן אין די ארטיגע מידיא, וועגט דרעי אפ עטליכע אפציעס. דאס רעכנט אריין אינגאנצן ארויסצוטרעטן פון פאליטיק, רעזיגנירן פונעם כנסת אבער פארבלייבן אלס ש"ס פארזיצער, אדער איבערנעמען א העכערע פירערשאפט ראלע און אויפנעמען א נייעם פארזיצער פאר די פארטיי.
אין די לעצטע טעג זענען עטליכע חשוב'ע רבנים וועלכע זענען אפיליאירט מיט ש"ס אראפגעקומען צו דרעי אין שטוב אים מחזק צו זיין און אים מוטיגן צו פארבלייבן אויף זיין פאסטן. עס קומט אויך פאר אן איניציאטיוו ארויסצוגעבן א בריוו פון רבנים וואס זאלן אויסדרוקן זייער פולע שטיצע פאר זיין ווייטערדיגע פירערשאפט.
פון די אנדערע זייט האבן מקורבים צו דרעי שארף אפגעלייקנט די קלאנגען אז ער פלאנירט צו רעזיגנירן, און עטליכע ש"ס באאמטע האבן עפנטליך קריטיקירט די גאנצע שמועס ארום זיין פאליטישע צוקונפט. דערווייל איז נאך נישט געמאלדן געווארן קיין אפיציעלע רעזיגנאציע אדער אן ענדגילטיגע באשלוס.
ש"ס פארזיצער אריה דרעי באטראכט מעגליך צו רעזיגנירן נאך שווערן דורכפאל אין די וואלן
דער לאנגיעריגער ש"ס פארזיצער אריה דרעי באטראכט לויט באריכטן די מעגליכקייט צו אראפטרעטן פון זיין פאליטישע פירערשאפט, נאכדעם וואס די פארטיי האט געליטן א שווערן קלאפ אין די לעצטע כנסת וואלן אין מדינת ישראל, פאלנדיג פון 11 מאנדאטן צו בלויז זעקס.
לויט באריכטן אין די ארטיגע מידיא, וועגט דרעי אפ עטליכע אפציעס. דאס רעכנט אריין אינגאנצן ארויסצוטרעטן פון פאליטיק, רעזיגנירן פונעם כנסת אבער פארבלייבן אלס ש"ס פארזיצער, אדער איבערנעמען א העכערע פירערשאפט ראלע און אויפנעמען א נייעם פארזיצער פאר די פארטיי.
אין די לעצטע טעג זענען עטליכע חשוב'ע רבנים וועלכע זענען אפיליאירט מיט ש"ס אראפגעקומען צו דרעי אין שטוב אים מחזק צו זיין און אים מוטיגן צו פארבלייבן אויף זיין פאסטן. עס קומט אויך פאר אן איניציאטיוו ארויסצוגעבן א בריוו פון רבנים וואס זאלן אויסדרוקן זייער פולע שטיצע פאר זיין ווייטערדיגע פירערשאפט.
פון די אנדערע זייט האבן מקורבים צו דרעי שארף אפגעלייקנט די קלאנגען אז ער פלאנירט צו רעזיגנירן, און עטליכע ש"ס באאמטע האבן עפנטליך קריטיקירט די גאנצע שמועס ארום זיין פאליטישע צוקונפט. דערווייל איז נאך נישט געמאלדן געווארן קיין אפיציעלע רעזיגנאציע אדער אן ענדגילטיגע באשלוס.