פייער אין ישיבת קארלין אין ירושלים צווינגט אן עוואקואציע; א בחור לייכט פארוואונדעט
גאלערי
ווידעאס
פייער ברעכט אויס אין קארלין-סטאלין ישיבה אין ירושלים; איין בחור אפגעפירט אין שפיטאל
א פייער האט מאנטאג אויסגעבראכן אינעם בנין פון די קארלין-סטאלין ישיבה אין די רמות געגנט אין ירושלים, וואס האט געצווינגען אלע תלמידים צו זאפארט עוואקואירן די געביידע.
פייערלעשער זענען אראפגערופן געווארן אויפן סצענע צו פארלעשן די פלאמען און ארויסצוטרייבן די שווערע רויך וואס האט ארומגענומען דעם בנין.
א 19-יעריגער בחור האט לויט באריכטן געליטן פון לייכטע ברען וואונדן און האט אריינגעאטעמט רויך. ער איז אפגעפירט געווארן אין די הדסה עין כרם שפיטאל פאר ווייטערדיגע באהאנדלונג.
לויט לאקאלע באריכטן, איז מעגליך אז דאס פייער האט זיך אנגעצינדן פון פייערוואורקס וואס זענען געשאסן געווארן דורכאויס אן אירוסין פייערונג וואס איז דארט פארגעקומען.