וויזע ווייווער אין געפאר? אמעריקאנער דעלעגאציע פארט קיין מדינת ישראל נאך א סעקיוריטי דורכפאל ביי פלאי-דובאי
גאלערי
אמעריקאנער דעלעגאציע אויפ'ן וועג קיין ארץ ישראל נאך ערנסטע זיכערהייט דורכפאל; וויזע פראגראם מעגליך אין געפאר
אן אמעריקאנער דעלעגאציע ווערט ערווארטעט אנצוקומען קיין ארץ ישראל אין די קומענדיגע טעג, אויסצופארשן צי מדינת ישראל האלט זיך צו די פאדערונגען און פארשריפטן פון די אמעריקאנער 'וויזע וועיווער' פראגראם. דאס קומט אין ליכט פון די ערנסטע זיכערהייט דורכפאלן וואס זענען אנטפלעקט געווארן נאך א פרובירטע טעראר אטאקע אויף א 'פליי-דובאי' פלייט קיין תל אביב.
לויט די ערשטע באריכטן, קומט די דעלעגאציע אראפ ספעציעל איבערצוקוקן די זיכערהייט פראטאקאלן און זיכער מאכן אז מען האלט זיך שטרענג צו די אינטערנאציאנאלע סקרינינג סטאנדארטן וואס ווערן פארלאנגט אונטער דעם אפמאך.
די נייע אנטוויקלונג ברענגט ארויף ערנסטע זארגן איבער די צוקונפט פונעם פראגראם, און עס איז מעגליך דא א פראגע צייכן צי מדינת ישראל פאספארט האלטער וועלן ווייטער קענען געניסן פון די גרינגערע רייזע פראצעדורן דורכ'ן נוצן די באקוועמע 'עסטא' (ESTA) סיסטעם.