דער קול פון חודש אלול: די קולות פון שופר זאגן אן דעם אנקום פון ראש השנה
גאלערי
ווידעאס
קול שופר הולך וחזק: די ימים נוראים דערנענטערן זיך
ווי נאר חודש אלול רוקט זיך פאראויס און די הייליגע טעג פון ראש השנה דערנענטערן זיך מיט גיכע טריט, הערט זיך שוין דער באקאנטער קול שופר יעדן אינדערפרי אין אלע בתי מדרשים און אידישע קהילות איבער דער גארער וועלט.
א קורצע קליפ וואס איז די וואך ארומגעפארן צייגט אזא מאמענט, וואו א מתפלל בלאזט שופר נאכן דאווענען שחרית. דאס איז א טייל פונעם הייליגן מנהג ישראל אין חודש אלול, וואס איז געצילט צו דערוועקן די הערצער צו תשובה און זיך צוגרייטן צו די ימים נוראים.
דער שופר ווערט טראדיציאנאל געבלאזן יעדן אינדערפרי אין די וואכנטעג דורכאויס דעם גאנצן חודש אלול, ווען אידן גרייטן זיך אן רוחניות'דיג צום יום הדין. פון א געווענליכע מנין שחרית ביז אין פובליק פלעצער, איז דער קול שופר געווארן איינע פון די הויפט סימנים וואס דערמאנט יעדן איינעם אז די ימים נוראים זענען שוין אט אט דא.