חביבים ד'קרית יואל באנייט שפאגל נייע פליי קאר צי פארגרינגערן תושבי קרית יואל והגלילות..: די פארגאנגענעם וואך מיטוואך אויפדערנאכט איז פארגעקומען א ספעציעלע אווענט פאר די געטרייע חביבים וואלענטירן פון קרית יואל ווי עס איז ארויס געוויזן געווארן די הכרות הטוב פאר די חשובע געטרייע וואלענטירן וואס געבן אוועק פון זייער טייערע צייט צי העלפן אידן געשטראנדעט אויפן וועג אין סיי וועלכע מצב צי עס איז פארפרוירן אין די ווינטער אדער גאר ביטערליך הייס יעצט אין די זומער. די אווענט איז געפענט געווארן דורך די געטרייער קארדינעטאר ר' יחזקאל סאנדער הי"ו וועלכע  האט שטארק באדאנקט די געטרייע וואלענטירן פאר זייער ארבעט. דערנאך איז סערווירט געווארן א רייכן סעודה פאר אלע וואלענטירן. דערנאך האט אויפגעטרעטן די געטרייער קארדינעטאר ר' אהרן פאללאק הי"ו וועלכע האט ארויסגעברענגט א ספעציעלע הכרות הטוב פאר די פינעף אויסגעקליבענע וואלענטירן וועלכע האבן געדעקט די מערסטע הילפס רופן במשך די לעצטע יאר צייט. די אווענט איז געווען באגלייט מיט א הערליכע מוזיקאלישע אויפטריט דורך גאר טאלאנטפולע בעלי שיר. די קלימאקס פונעם אווענט איז געווען ווען מען האט באנייט די שפאגל נייע חביבים טרעקל. א גרויסע סובערבן וואס איז ספעציעל געווארן אויסשטאפירט מיט אלע נויטיגע ספעציעלע טאלס אין כלים וואס פעלט זיך נאר אויס צי קענען באדינען תושבי קרית יואל מיט מיט סיי וועלכע הילף. ווי אויך וועט די נייע קאר גענוצט ווערן אלס די צענטראלע קאמענד סענטער על כל צרה שלא תבאו פאר די נייע סורטש און רעסקיאו טיעם דורך חביבם ד'קרית יואל .. די געטרייע וואלענטירן האבן געהאט א געלעגנהייט זיך צי באקענען מיט די נייע טרעקל וואס וועט פארשטייט זיך נאכפאלגן מיט ספעציעלע טרענירונגען וויאזוי זיך צי באנוצן מיט דעם. אין א שפעטע שעה האט זיך די אווענט גענדיגט מיט א גוטע געפיל פאר אלע געטרייע וואלענטירן וואס זענען אהיים געגאנגען מיט הויפענעס חיזוק אין שטיצע אויף ווייטער פאר זייער הייליגע ארבעט..