ווידעא: א דורכגייער ראטעוועט זיך סעקונדעס בעפאר א סוכה ווערט אראפגעבלאזן פון א באלקאן און קראכט אויפן גאס אין ירושלים
גאלערי
ווידעאס
ניסים אין ירושלים: א סוכה פליט אראפ פון א באלקאן אין שערי חסד און פארפעלט א פוסגייער מיט א האר
דראמאטישע סעקיוריטי קעמערע פוטעדזש פון די שערי חסד געגנט אין ירושלים האט אויפגעכאפט דעם שרעקעדיגן מאמענט ווען א סוכה איז אראפגעריסן געווארן פון א באלקאן דורך מעכטיגע ווינטן, און איז אראפגעפלויגן מיט א קראך אויפ'ן גאס אונטן.
אויף די ווידעא קען מען זען ווי די גאנצע סוכה סטרוקטור ווערט אוועקגעטראגן פונעם בנין בעפאר טיילן דערפון קראכן אריין אינעם סיידוואק און אין די ראוד. א פוסגייער וואס איז פונקט אדורכגעגאנגען אונטן האט באמערקט די סכנה און האט אנגעהויבן לויפן בלויז סעקונדעס בעפאר די סוכה איז אראפגעקראכט, און האט זיך בדרך נס ארויסגעדרייט פון ווערן געטראפן.
דער אינצידענט האט פאסירט אין די צייט וואס איינוואוינער אין די ירושלים'ער געגנט זענען פארנומען מיט די הכנות צום קומענדיגן יום טוב סוכות. ברוך השם איז נישט באריכטעט געווארן קיין שום פארוואונדעטע אינעם פאסירונג.