ניו יארק סיטי מעיאר מאמדאני באזוכט אין סוכות איבער די אידישע געגנטער דורכאויס יום טוב סוכות
גאלערי
ניו יארק סיטי מעיאר זאהראן מאמדאני באזוכט אין היימישע סוכות דורכאויס דעם יום טוב
ניו יארק סיטי מעיאר זאהראן מאמדאני האט אפגעשטאט עטליכע באזוכן אין סוכות איבער פארשידענע אידישע געגנטער אין ניו יארק דורכאויס דעם יו"ט סוכות, וואו ער האט זיך געטראפן מיט לאקאלע איינוואוינער און אנטיילגענומען אין די יו"ט'דיגע פארזאמלונגען.
צווישן די סטאפס איז דער מעיאר אנגעקומען קיין וויליאמסבורג, וואו ער האט באזוכט אין א סוכה אינאיינעם מיט עסקנים און פראמינענטע מיטגלידער פון די ארטיגע חסידישע קהילה, ווי אויך מיט פארשטייער פון די 'יו דזשעי או' (UJO) ארגאניזאציע פון וויליאמסבורג און נארט ברוקלין.
בילדער פונעם באזוך צייגן ווי דער מעיאר שמועסט מיט היימישע אידן אינעווייניג אין די סוכה און נעמט אנטייל אין די חול המועד צוזאמקום.
דער מעיאר האט אויך אפגעשטאט באזוכן אין קראון הייטס, וואו ער האט זיך געטראפן מיט מיטגלידער פון די ארטיגע אידישע קהילה אין זייערע סוכות.
דאס איז געווען מאמדאני'ס ערשטע יו"ט סוכות אלס מעיאר פון ניו יארק סיטי, און די באזוכן זענען א טייל פון זיין ציל זיך צו פארבינדן און אפהאלטן א נאענטע קשר מיט די אידישע קהילות איבער די שטאט.