אריזאנע: מאן אנגעקלאגט פארן פלאנירן א באמבע און שיסעריי אטאקע אויף א שול אדער מוסולמענישע געבעט הויז
גאלערי
ווידעאס
בס"ד
אריזאנע: 27-יעריגער מאן אנגעקלאגט פארן פלאנירן א מאסיווע טעראר אטאקע אויף א שול
א 27-יעריגער מאן פון אריזאנע איז אנגעקלאגט געווארן מיט טעראריסטישע סטראשונגען, נאכדעם וואס פראקורארן זאגן אז ער האט געפלאנט א מאסן-מארד אטאקע קעגן א אידישע שול אדער א מוסולמענער מעטשעט, ניצנדיג אויפרייס מאטעריאלן און פייער וואפן.
דער פארדעכטיגטער, מעטיו ביארנהאלט פון טשענדלער, אריזאנע, איז פרייטאג אקטאבער 16 ארויפגעקומען אין א מאריקאפא קאונטי קאורט. דער פראקוראר סטיווען גארסיע האט אראפגעלייגט די שוידערליכע פלענער וואס ביארנהאלט האט לויט זיי געהאט. לויט די קלאגעס, האט ער געפלאנט צו דעטאנירן אויפרייס מאטעריאלן ביי א רעליגיעזע געביידע, און דערנאך וואלט א צווייטער מיטארבעטער געעפנט פייער אויף די איבערלעבער וואס וואלטן פרובירט צו אנטלויפן. דער פראקוראר האט אים אראפגעשטעלט אלס אן ערנסטע געפאר פאר די קאמיוניטי און פארלאנגט א בעיל פון האלב א מיליאן דאלאר.
ביי א זוכונג אין זיין הויז האבן די אויטאריטעטן קאנפיסקירט דריי פייער וואפן און אמוניציע. די פראקורארן זאגן אויך אז מען האט געטראפן ביי אים א בוך מיט אנווייזונגען ווי אזוי צו מאכן באמבעס, וואס ער האט אנגערופן זיין "בייבל".
פון די אנדערע זייט האט זיין לויער, טשעד שעל, שטארק אפגעווארפן די קלאגעס. ער טענה'ט אז די גאנצע קעיס איז געבויט אויף פאלשע רכילות פון אן אמאליגן באקאנטן וואס האט געוואוינט ביי אים אין שטוב און איז ארויסגעווארפן געווארן. דער לויער האט אנגעוויזן אז עף-בי-איי אגענטן האבן שוין דורכגעזוכט זיין הויז דעם 29'סטן סעפטעמבער און קאנטראלירט זיינע עלעקטראנישע דיווייסעס וואס ער האט זיי פרייוויליג איבערגעגעבן. לויט אים, האבן די פעדעראלע אגענטן נישט געטראפן קיין שום באווייזן פון טעראר אדער באמבע מאטעריאלן, און האבן טאקע נישט אריינגעגעבן קיין פעדעראלע קלאגעס. ווי אויך זענען די רעוואלווערס וואס מען האט געטראפן געווען לעגאלע.
דער ריכטער האט נאכן אויסהערן ביידע זייטן באשלאסן אז עס איז דא גענוג אורזאך אנצוגיין מיט די קעיס, אבער ער האט אנערקענט די שוואכקייט פון די באווייזן וואס זענען געבויט אויף קלאנגען. דער ריכטער האט אפגעווארפן דעם פארלאנג פאר א $500,000 בעיל, און עס אנשטאט געשטעלט אויף 100 טויזנט דאלאר, מיט שטרענגע באדינגונגען ווי אן עלעקטראנישע מאניטאר אויב ער ווערט באפרייט.
דערווייל האבן די אויטאריטעטן נישט אנגעגעבן קיין ספעציפישע שול אדער מעטשעט וואס איז געווען אויפן ציל ברעט, און עס איז אויך נישט קלאר צו דער צווייטער פארדעכטיגטער עקזיסטירט בכלל. ביארנהאלט דארף צוריקקומען אין קאורט אקטאבער 22 און דערנאך פאר א פרילימינערי פארהער אקטאבער 26.
די באשולדיגונגען האבן ארויסגערופן גרויס זארג צווישן די לאקאלע אידישע קהילות איבער מעגליכע טעראר געפארן קעגן בתי מדרשים, כאטש די קעיס איז נאך אינמיטן די געריכטליכע פראצעדורן און גארנישט איז נאך דערווייל אויפגעוויזן געווארן אין קאורט.
אריזאנע: 27-יעריגער מאן אנגעקלאגט פארן פלאנירן א מאסיווע טעראר אטאקע אויף א שול
א 27-יעריגער מאן פון אריזאנע איז אנגעקלאגט געווארן מיט טעראריסטישע סטראשונגען, נאכדעם וואס פראקורארן זאגן אז ער האט געפלאנט א מאסן-מארד אטאקע קעגן א אידישע שול אדער א מוסולמענער מעטשעט, ניצנדיג אויפרייס מאטעריאלן און פייער וואפן.
דער פארדעכטיגטער, מעטיו ביארנהאלט פון טשענדלער, אריזאנע, איז פרייטאג אקטאבער 16 ארויפגעקומען אין א מאריקאפא קאונטי קאורט. דער פראקוראר סטיווען גארסיע האט אראפגעלייגט די שוידערליכע פלענער וואס ביארנהאלט האט לויט זיי געהאט. לויט די קלאגעס, האט ער געפלאנט צו דעטאנירן אויפרייס מאטעריאלן ביי א רעליגיעזע געביידע, און דערנאך וואלט א צווייטער מיטארבעטער געעפנט פייער אויף די איבערלעבער וואס וואלטן פרובירט צו אנטלויפן. דער פראקוראר האט אים אראפגעשטעלט אלס אן ערנסטע געפאר פאר די קאמיוניטי און פארלאנגט א בעיל פון האלב א מיליאן דאלאר.
ביי א זוכונג אין זיין הויז האבן די אויטאריטעטן קאנפיסקירט דריי פייער וואפן און אמוניציע. די פראקורארן זאגן אויך אז מען האט געטראפן ביי אים א בוך מיט אנווייזונגען ווי אזוי צו מאכן באמבעס, וואס ער האט אנגערופן זיין "בייבל".
פון די אנדערע זייט האט זיין לויער, טשעד שעל, שטארק אפגעווארפן די קלאגעס. ער טענה'ט אז די גאנצע קעיס איז געבויט אויף פאלשע רכילות פון אן אמאליגן באקאנטן וואס האט געוואוינט ביי אים אין שטוב און איז ארויסגעווארפן געווארן. דער לויער האט אנגעוויזן אז עף-בי-איי אגענטן האבן שוין דורכגעזוכט זיין הויז דעם 29'סטן סעפטעמבער און קאנטראלירט זיינע עלעקטראנישע דיווייסעס וואס ער האט זיי פרייוויליג איבערגעגעבן. לויט אים, האבן די פעדעראלע אגענטן נישט געטראפן קיין שום באווייזן פון טעראר אדער באמבע מאטעריאלן, און האבן טאקע נישט אריינגעגעבן קיין פעדעראלע קלאגעס. ווי אויך זענען די רעוואלווערס וואס מען האט געטראפן געווען לעגאלע.
דער ריכטער האט נאכן אויסהערן ביידע זייטן באשלאסן אז עס איז דא גענוג אורזאך אנצוגיין מיט די קעיס, אבער ער האט אנערקענט די שוואכקייט פון די באווייזן וואס זענען געבויט אויף קלאנגען. דער ריכטער האט אפגעווארפן דעם פארלאנג פאר א $500,000 בעיל, און עס אנשטאט געשטעלט אויף 100 טויזנט דאלאר, מיט שטרענגע באדינגונגען ווי אן עלעקטראנישע מאניטאר אויב ער ווערט באפרייט.
דערווייל האבן די אויטאריטעטן נישט אנגעגעבן קיין ספעציפישע שול אדער מעטשעט וואס איז געווען אויפן ציל ברעט, און עס איז אויך נישט קלאר צו דער צווייטער פארדעכטיגטער עקזיסטירט בכלל. ביארנהאלט דארף צוריקקומען אין קאורט אקטאבער 22 און דערנאך פאר א פרילימינערי פארהער אקטאבער 26.
די באשולדיגונגען האבן ארויסגערופן גרויס זארג צווישן די לאקאלע אידישע קהילות איבער מעגליכע טעראר געפארן קעגן בתי מדרשים, כאטש די קעיס איז נאך אינמיטן די געריכטליכע פראצעדורן און גארנישט איז נאך דערווייל אויפגעוויזן געווארן אין קאורט.